Firma | Statens vegvesen |
Fylke | Sogn og Fjordane |
Sted | Leikanger |
Søknadsfrist | 05.04.2018 |
Plan- og forvaltningsseksjonen
I vegavdeling Sogn og Fjordane har vi ledig stilling på plan- og forvaltningsseksjonen på Leikanger. Våre hovudoppgåver er planansvar for vegprosjekt langs riks- og fylkesvegar i Sogn og Fjordane, forvaltningsoppgåver (mellom anna avkøyrslesaker, dispensasjon frå byggegrense, skilt og arbeidsvarsling), uttale til kommunale arealplanar og arbeid med trafikktryggleik og trafikktryggingstiltak. Vi jobbar også med overordna planlegging knytt til nasjonal- og regional transportplan.
Vi søkjer deg som ønskjer å bidra til at tryggleiken og effektiviteten i vegsystemet er så høg som mogleg. Du tek avgjersler som folk legg merke til i kvardagen, og du vil oppleve at mange er engasjerte i det arbeidet du gjer.
Arbeidsoppgåver
- Forvaltningsoppgåver: Oppgåvene vil hovudsakleg vere knytt til vegforvaltning som avkøyrslesaker, graveløyve, dispensasjon frå byggegrense og uttale til kommunale arealplanar.
- Trafikktrygging
- Andre oppgåver innan ansvarsområdet til seksjonen
Kvalifikasjonskrav
Du har minimum tre års utdanning frå universitet eller høgskule innan veg-, arealplanlegging eller anna relevant utdanning.
Erfaring innan forvaltningsoppgåver, arealplanlegging og samferdsle frå offentleg eller privat sektor er ønskeleg.
Seksjonen si verksemd er sterkt utadvent og vi legg difor stor vekt på evne til samarbeid internt og eksternt, samt gode kommunikasjonsevner i norsk, både skriftleg og munnleg.
Stillinga krev førarkort klasse B.
Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).
Vi vil og leggje vekt på:
- Evne til å ta initiativ, vere løysingsorientert og jobbe sjølvstendig
- At du kan samarbeide og er aktivt med på å skape eit godt arbeidsmiljø
- Evne til å handtere innspel og engasjement frå dei partane sakene gjeld
- Korleis kompetansen din høver inn i den samla kompetansen på seksjonen
Stort engasjement, mykje ansvar og fagleg utvikling
Som tilsett i Statens vegvesen vert du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.
Vi tilbyr også desse goda:
- Introduksjonsprogram og fadderordning
- Fleksitid og gode ordningar for avspasering
- Pensjonsordning og høve til å få lån i Statens pensjonskasse
- Etatsskular og gode høve til fagleg påfyll
Lønna vert avtalt nærare i samsvar med lønnspolitikken vår.
Kontaktperson og andre opplysningar
Dersom du har spørsmål om stillinga eller arbeidsoppgåvene, kan du ta kontakt med seksjonsleiar Torun Emma Torheim på telefon 57655845 / 99577886.
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
Vis flere stillinger:
- Alle
- Søk etter Statens vegvesen, Leikanger
- Fylke Sogn og Fjordane