Firma | Statens vegvesen Region vest |
Fylke | Hordaland |
Sted | Bergen |
Søknadsfrist | 27.02.2018 |
I Statens vegvesen Region vest, Vegseksjon Bergensområdet, har vi ledig stilling som prosjektleiar. Seksjonen løyser store og små investeringsprosjekt, samt drifter og vedlikeheld riks- og fylkesvegane i Bergen og sju andre kommunar.
Vi er i dag om lag 60 tilsette og har kontorstad i Bergen sentrum.
Arbeidsoppgåver
Stillinga som prosjektleiar for investeringsprosjekt i Bergensområdet inneber at du har det overordna ansvaret for ei prosjektportefølje på mellom 100-200 mill pr år. Dette inneber at du:
- Syter for etablering av prosjektgrupper med interne og eksterne ressursar
- Har det overordna ansvaret for planlegging og rapportering innan kvalitet, framdrift og økonomi
- Deltek i byggemøter ved behov
- Avvikrapportering
Du har økonomiansvar for prosjekta og fagleg ansvar for dei byggjeleiarane og kontrollingeniørane i di gruppe. Stillinga inngår i den regionale byggherrepoolen.
Kvalifikasjonskrav
Du har relevant utdanning frå universitet eller høgskule, minimum 3 år. Dersom du har sterk og allsidig praksis frå fagområdet eller etterutdanning, kan vi fråvike kravet om høgare utdanning.
Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).
Det er ønskeleg med allsidig erfaring frå byggje-/prosjektleiing, og gjerne erfaring frå veganlegg. God kjennskap til data som arbeidsverktøy. Du må ha førarkort kl. B.
Vi vektlegg:
- Evne til å kunne ta initiativ og jobbe sjølvstendig
- Erfaring frå liknande arbeid og kjennskap til kontraktarbeid
- Ryddig, strukturert skriftleg framstillingsevne
- God samarbeidsevne og tverrfagleg interesse
- Trivast med lagarbeid og kan skape gode resultat saman med andre.
- At du aktivt er med å skape et triveleg og godt arbeidsmiljø
Stort engasjement, gode strukturar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt.
Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.
Medarbeidarane våre fortel om spennande arbeidskvardagar med god balanse mellom arbeid og fritid.
Vi tilbyr òg desse goda:
- introduksjonsprogram og fadderordning
- fleksitid og gode ordningar for å avspasere
- pensjonsordning og høve til å få lån i Statens pensjonskasse
- etatsskolar og høve til fagleg påfyll
Lønna blir avtalt nærare i samsvar med lønnspolitikken vår.
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla
Kontaktperson
Du kan kontakta seksjonsleiar Arild Hegrenæs, tlf. 55 51 62 27, om du ønskjer ytterlegare informasjon.
Vis flere stillinger:
- Alle
- Søk etter Statens vegvesen Region vest, Bergen
- Fylke Hordaland