Kontrollingeniør betong, Bergen

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7500 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist01.02.2018

I Statens vegvesen Region vest har vi ledig stilling som kontrollingeniør i betongfag, med kontorstad i Bergen. Vi søkjer ein engasjert og dyktig kontrollingeniør som skal være med å sikre god drift av vegnettet.

Ei av seksjonen sine hovudoppgåver er å støtte prosjekta i regionen med kontroll av utføring og kvalitet på materiala som vert nytta til vegbygging. Vi utfører felt- og laboratorieundersøkingar innan fagområda betong, steinmateriale, asfalt og geoteknikk. .

Seksjonen har to nye sertifiserte analyselaboratorium, både i Bergen og Stavanger.

Stillinga er knytt til lab- og vegteknologiseksjonen på Ressursavdelinga i Region vest. Seksjonen har i dag 17 medarbeidarar fordelt på kontorsted i Bergen og Stavanger.

Arbeidsoppgåver

Som kontrollingeniør vil du arbeide med tekniske oppfølging av utførelse, kontroll, innmåling og dokumentasjon, og må ha tett kontakt med utførande entreprenør og byggeleiar for prosjektet.

  • Ansvarleg for kvalitet og løysinger i samarbeid med byggeleder og entreprenøren
  • Byggeplasskontroll før støp (kontroll av armering og av overdekning)
  • Laboratorie- og feltundersøking av betong
  • Stikkprøvekontroll i felt ved støyp (terningar, fiberinnhold, breddemåling, temperatur)
  • Borekjerner av herda betong (trykkfasthet, klorid) og sprøytebetongkontroll
  • Teknisk rådgjeving innan fagområdet betong
  • Kontroll av dokumentasjon og rapportere resultat
  • Delta i fag- og byggemøter etter behov

En del reising må påreknas i heile regionen vest, samt noko kveldsarbeid i sesongen. Det er difor naudsynt med førarkort kl. B.

Kvalifikasjonskrav

Utdanning frå universitet eller høgskole, min. 3 år, innan relevant fagretning .Vi ønskjer at du har lengre erfaring frå arbeid med tilsvarande oppgåver.

For søkjarar med to- årig teknisk fagskule med relevant fagkrets innen betongdrift og vegbygging, samt sterk og allsidig praksis frå det aktuelle fagområdet, etterutdanning og gode personlige eigenskapar for stillingane kan kravet til høgare utdanning fråvikast.

Dersom du har teke heile eller delar av utdanninga di i utlandet, ønskjer vi ei autorisert omsetjing av dine papir og ei godkjenning frå NOKUT (www.nokut.no).

Som kontrollingeniør er du med på å sikre at prosjekta våre held høg kvalitet. Det stillast derfor store krav til dokumentasjon og det viktig at du har gode datakunnskapar og god skriftleg og munnleg framstillingsevne i norsk.

Du er målretta i ditt arbeid og har god praktisk sans, gjerne med kjennskap til vegnettet og med erfaring frå liknande arbeid. Både kreativitet og evne til systematisk arbeid er viktige eigenskaper i denne stillinga. Du bør og ha evne til å ta initiativ og finne løysingar i nye situasjonar, samt vere sjølvstendig og ryddig.

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du er med på å påverke samfunnsutviklinga og får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktperson

For meir utfyllande informasjon om stillinga kan du kontakte seksjonsleiar Iris Hackelberg på tlf. 977 99 423.

Søk her

Vis flere stillinger: