Byggjeleiar drift

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeRogaland
StedHaugesund
Søknadsfrist28.11.2017

I Statens vegvesen Region vest er det ledig stilling som byggjeleiar for driftskontrakt ved avdeling Rogaland, Vegseksjon Haugesund.

Seksjonen har ansvaret for investering, drift og vedlikehald på riks- og fylkesvegar i Nord-Rogland innafor rammer gitt av regionen og fylket. Utover dette har seksjonen også ansvaret for fleire typar forvaltningsoppgåver knytt opp mot drifta av vegnettet. Stillinga vil ha kontorstad Haugesund. Seksjonen er i dag organisert med 37 årsverk.

Den ledige stillinga er i hovudsak innafor fagområdet ordinær vegdrift og vegvedlikehald, men det kan også være aktuelt å utføre mindre investeringstiltak og trafikktryggleikstiltak.

Vi ynskjer søkjarar med kompetanse/ erfaring frå drift og vedlikehald av offentleg veg, men også søkjerar med anna relevant erfaring vil bli vurdert. Arbeidsoppgåvene er varierte og utfordrande innan eit sterkt fagmiljø.

Arbeidsoppgåver

  • Leie og følgje opp kontraktarbeid i driftskontrakt
  • Ansvar for oppfølging, styring og rapportering av HMS, kvalitet, økonomi og framdrift
  • HMS- koordinator for eigne prosjekt
  • Kontakt mot kommunar, grunneigarar og andre etatar
  • Diverse sakshandsaming og andre oppgåver innanfor byggjeleiing

Stillinga set krav til mobilitet og noko reiseverksemd, samt kvelds- og nattarbeid i periodar, må påreknast.

Kvalifikasjonskrav

Utdanning frå universitet eller høgskule, minimum 3 år, eller fagbrev innan relevante fagfelt.

For søkjarar med 2årig teknisk fagskule, samt sterk og allsidig praksis frå det aktuelle fagområdet og gode personlige eigenskapar for stillinga, kan kravet til utdanning fråvikast.

Stillinga føreset at du har førarkort klasse B.

Norsk er arbeidsspråket i Statens vegvesen. Du må kunne ordleggje deg skriftleg og munnleg på norsk, slik at du kan utføra arbeidsoppgåvene sjølvstendig.

Vi legg vekt på

  • Kunnskap om regelverk og forskrifter innan relevante fagfelt
  • Erfaring frå liknande arbeid/ bransje
  • Evne og interesse til både å jobbe sjølvstendig og å skape gode resultat saman med andre
  • Bidra til eit godt arbeidsmiljø, både internt og i forhold til entreprenør
  • Evne til å jobbe målretta og strukturert
  • God munnleg og skriftleg uttrykksform

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda

  • Introduksjonsprogram og fadderordning
  • Fleksitid og gode ordningar for avspasering
  • Pensjonsordning og høve til å få lån i Statens pensjonskasse
  • Etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga.

Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Ann Mari Sandvin Hardeland
tlf: +47 51911541
mob: +47 48053369

Søk her

Vis flere stillinger: