Kontrollingeniør, Bergen

Ved vegseksjon Bergensområdet har vi no ledig stilling som kontrollingeniør med oppgåver innan oppfølging og kontroll av entreprenørarbeid på seksjonen sine investeringsprosjekt.

Seksjonen løyser store og små investeringsprosjekt, samt har ansvar for vedlikehald av riks- og fylkesvegane i Bergen og sju tilstøytande kommunar. Vi er i dag om lag 60 tilsette, og har kontorstad i Bergen sentrum . Stillinga inngår i den regionale byggherrepoolen.

Viktige arbeidsoppgåver

• Kartlegge kritiske prosessar for å sikre god planlegging og gjennomføring av stikkprøvekontrollar
• Utarbeide kontrollplanar for å synleggjere byggherren sine stikkprøvekontrollar
• Oppfølging av entreprenørar og andre leverandørar i samsvar med krav i kontrakt, inkl. fotografering, registrering i datasystem og oppfølging av krav til dokumentasjon og rapportering

Kvalifikasjonskrav:

Utdanning frå universitet eller høgskule, minimum 3 år, innan bygg-/ arealplanlegging eller tilsvarande relevant fagretning.

Om du har sterk og allsidig praksis eller relevant etterutdanning, kan vi fråvike kravet om høgare utdanning.

Som kontrollansvarleg må du vere tydeleg og ryddig. Du treng fagkunnskap og teknisk innsikt. Evne til å samarbeide og finne gode løysingar saman med entreprenørane våre er heilt avgjerande, og du bør trivast ute på byggjeplassen. Erfaring frå liknande arbeid og kjennskap til kontraktsarbeid vil vere ein fordel.

Både nøyaktigheit og evne til systematisk arbeid er viktige eigenskapar i denne rolla, i tillegg til god skriftleg og munnleg kommunikasjonsevne. Vi brukar ulike datasystem og du treng generelt gode datakunnskapar for å nytte desse som gode arbeidsverktøy.

Stillinga set krav til mobilitet, og vi krev førarkort for bil (klasse B). Noko reiseverksemd, samt kvelds- og nattearbeid i periodar, må påreknast

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for å avspasere
• pensjonsordning og høve til å få lån i Statens pensjonskasse etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Arild Hegrenæs
tlf: +47 55516227
mob: +47 95088756

Søk her