Inviterer til fagdag om bruk av tre i moderne bygg

Konferansen inneheld tema om trearkitektur, materialbruk og byggemetodar.

Dagen startar med ei innleiing om nasjonale og internasjonale trendar innan trebruk.

Arkitektfirmaet Snøhetta presenterer turisthytta Nye Tungestølen i Luster og andre innovative treprosjekt. Aaland Arkitektkontor orienterer og viser materialbruken på det spektakulære Hoven-prosjektet før det blir servert lunsj på Hoven Restaurant. Vidare vil planar om den «Levande Trehusbyen» på Lærdalsøyri bli presentert. Utfordringar i verdikjeda og flaskehalsar for nye byggemetodar og produkt vil også vere tema.

Tredrivaren i fylket, Ingunn Kjelstad vil gje status og skissere mogelegheiter for skog- og treindustrien i Sogn og Fjordane.

Arrangementet går av stabelen på Hotel Alexandra i Loen.