Ledige stillingar som planleggarar på plan- og forvaltningsseksjonen i Sogn og Fjordane

Publisert 08.05.2017 09:03

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeSogn og Fjordane
StedLeikanger, Førde
Søknadsfrist29.05.2017

Plan- og forvaltningsseksjonen søkjer etter 2 nye planleggarar på Leikanger eller i Førde. Våre hovudoppgåver er planansvar for vegprosjekt langs riks- og fylkesvegar i Sogn og Fjordane, uttale til kommunale arealplanar, arbeid med trafikktryggleik og ulike forvaltningsoppgåver (mellom anna skilt, fartsgrenser, avkøyrsler og arbeidsvarsling).

Vi søkjer deg som ønskjer å bidra til at tryggleiken og effektiviteten i vegsystemet er så høg som mogleg. Du tek avgjersler som folk legg merke til i kvardagen, og du vil oppleve at mange er engasjerte i det arbeidet du gjer.

Arbeidsoppgåver

  • Oppgåver innan planforvaltning: Oppgåvene vil hovudsakleg vere uttale til kommunale arealplanar og dispensasjonar.
  • Planbestillar: Du bestiller og følgjer opp kommunedelplanar og reguleringsplanar frå intern ressursavdeling. Rolla som planbestillar krev godt samarbeid både i organisasjonen og ut til kommunane og fylkeskommunen.
  • Andre oppgåver innan seksjonen sitt ansvarsområde vil vere aktuelt: Dette kan vere oppgåver knytt til vegforvaltning og trafikktrygging, og strategisk/overordna planlegging knytt til arbeid med nasjonal- og regional transportplan.

Kvalifikasjonskrav

Du har minimum tre års utdanning frå universitet eller høgskule innan veg-, arealplanlegging eller anna relevant utdanning. Erfaring innan arealplanlegging og samferdsle frå offentleg eller privat sektor er ønskjeleg.

Seksjonen si verksemd er sterkt utadvent og vi legg difor stor vekt på evne til samarbeid internt og eksternt, samt gode kommunikasjonsevner i norsk, både skriftleg og munnleg.

Stillinga krev førarkort klasse B.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Vi vil og leggje vekt på:

  • Evne til å ta initiativ, vere løysingsorientert og jobbe sjølvstendig
  • At du kan samarbeide og er aktivt med på å skape eit godt arbeidsmiljø
  • Evne til å handtere innspel og engasjement frå dei partane sakene gjeld
  • Korleis kompetansen din høver inn i den samla kompetansen på seksjonen

Stort engasjement, mykje ansvar og fagleg utvikling

Som tilsett i Statens vegvesen vert du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskular og gode høve til fagleg påfyll

Lønna vert avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga.

Vi legg vekt på å leggje arbeidsforholda til rette dersom du har behov for det. Vi gjer merksam på at søkjarlista kan verte offentleggjord, sjølv om du har bedt om unntak frå denne.

Kontaktpersonar:
Torun Emma Torheim
mob: +47 99577886

Vigdis Lobenz
tlf: +47 57724054
mob: +47 97517380

Søk her

Vis flere stillinger: