Prosjektleiar for planlegging

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeSogn og Fjordane
StedLeikanger
Søknadsfrist05.04.2017

Vil du styre planprosjekt i Statens vegvesen? Vi søkjer etter prosjektleiar for planprosjekt til vårt tverrfaglege planmiljø på regionkontoret på Leikanger.

Du vil få jobb på ressursavdelinga som er delt inn i seks fagområde ( prosjektering, plan, eigedom, geo/skred, lab/vegteknologi og bru) med til saman ca 290 tilsette fordelt på kontorstadane Leikanger, Bergen og Stavanger. Planseksjonen utfører veg-, gate- og tunnelplanlegging på store og små prosjekt i eigen regi eller ved bruk av konsulentar. På planseksjonen på Leikanger er vi 20 medarbeidarar innan fagområda prosjektleiing, veg, landskap, naturmangfald og arkeologi.

For å få utarbeidd kommunedelplanar og reguleringsplanar for mellom anna E39 dei komande åra treng vi ein erfaren planleggar. Du vil også ha ansvar for god kommunikasjon med interne og eksterne samarbeidspartar og for styring av konsulentoppdrag.

Arbeidsoppgåver

  • Styre planprosjekt (planleggingsleiing)
  • Vegplanlegging
  • Kommuneplanlegging og reguleringsplanlegging
  • Konsekvensutgreiingar
  • Engasjere og styre konsulentoppdrag

Kvalifikasjonskrav og bakgrunn

  • Utdanning frå universitet eller høgskule, minimum 4 år på sivilingeniør- eller masternivå
  • Ønskjeleg med erfaring som prosjektleiar/planleggingsleiar
  • Erfaring frå fagområda arealplanlegging og planlegging/prosjektering av vegar og tunnelar
  • Ønskjeleg med erfaring i bruk av dataverktøy (AutoCAD, NovaPOINT, GisLine, ArcGis, m.fl.)
  • Førarkort kl. B

Det må påreknast noko reiseaktivitet på oppdrag i regionen.

For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan ein fråvike kravet til utdanning.

Dersom du har teke heile eller delar av utdanninga di i utlandet, ber vi om ei autorisert omsetjing av dine papir og ei godkjenning frå NOKUT ( www.nokut.no).

Vi ynskjer at du:

  • Er glad i faget ditt og resultatorientert
  • Kan styre, koordinere og samordne oppgåver
  • Er god til å samarbeide med andre
  • Er analytisk og kan sjå problemstillingar frå fleire vinklar
  • Er flink til å uttrykke deg skriftleg og munnleg på norsk

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman.

Du påverkar samfunnsutviklinga og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidsdagar med god balanse mellom arbeid og fritid.

Vi tilbyr også desse goda:

  • Introduksjonsprogram og fadderordning
  • Fleksitid og gode ordningar for avspasering
  • Pensjonsordning og høve til å få lån i Statens pensjonskasse
  • Etatsskular og gode muligheiter for fagleg påfyll
  • Bedriftshytter/bedriftsidrettslag

Løn avtalast nærare i samsvar med vår lønnspolitikk.

Søknad

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Ellen Slinde
tlf: +47 57655795
mob: +47 99203238

Søk her