Byggjeleiar bruvedlikehald

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist08.03.2017

Ved vegseksjon Bergensområdet har vi ledig stilling som byggjeleiar for fagområdet bruvedlikehald.

Seksjonen løyser store og små investeringsprosjekt, samt driv vedlikehald av riks- og fylkesvegane i Bergen og sju tilstøytande kommunar. Seksjonen har og ansvaret for forvaltning, drift og vedlikehald av i overkant av 1600 bruer og andre konstruksjonar i Hordaland fylke. Vi er i dag om lag 60 tilsette og har kontorstad i Bergen sentrum .

Arbeidsoppgåver

Vi søkjer ein byggjeleiar med god forståing for byggjeleiarrolla. Du vil få hovudansvar for teknisk og økonomisk gjennomføring for bruvedlikehald i kontraktane våre, og må derfor ha fagleg tyngde, samt kunne kommunisere og samarbeide godt med både interne og eksterne samarbeidspartnarar, som t.d konsulentar, entreprenørar og kollegaer ved vegseksjonane og i det regionale fagnettverket.

Viktigaste oppgåvene vil vere:

  • Forvaltningsarbeid som gjeld bruene
  • Bruinspeksjonar
  • Planlegging av vedlikehaldsarbeid på bru
  • Konkurranseutsetting av bruvedlikehaldsarbeider
  • Byggjeleiing og kvalitetsoppfølging av vedlikehaldsarbeid på bru
  • Bidra til å nå etaten sine mål innan HMS

Kvalifikasjonskrav

Du har relevant utdanning frå universitet eller høgskule, minimum 3 år, helst med fagretning innan konstruksjonfag eller materialteknologi. Dersom du har sterk og allsidig praksis eller etterutdanning, kan vi fråvike kravet om høgare utdanning.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stillinga set krav til mobilitet, og vi krev førarkort for bil (klasse B). Noko reiseverksemd i fylket, samt kvelds- og nattearbeid, må påreknast .

Vi vektlegg:

  • Erfaring frå planlegging/prosjektering, bygging eller vedlikehold av brukonstruksjonar, eventuelt frå andre konstruksjonar i stål eller betong.
  • Kjennskap til kontraktsarbeid
  • Evne til å kunne ta initiativ og jobbe sjølvstendig
  • At du trivast med teamabeid og kan skape gode resultat saman med andre
  • Generelt gode datakunnskapar

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for å avspasere
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Gunnar Djuve
mob: +47 95088762

Søk her

Vis flere stillinger: