Byggjeleiarar, Askøypakken

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedAskøy, Bergen
Søknadsfrist05.03.2017

Vegvesenet er godt i gang med Askøypakken og treng fleire dyktige byggjeleiarar innan faga veg, tunnel og konstruksjon.Prosjektet har ei totalramme på 1 540 millionar over 8 år.

Askøypakken inneheld mange små og store prosjekt, m.a bygging av bruer og tunneler, utbetring av eksisterande veg, ny veg i nytt terreng, støytiltak og nytt kommunalt VA-anlegg. Dette gjer prosjektet komplekst og krevjande, men særs spennande og utfordrande for engasjerte, dyktige byggeleiarar, som ynskjer fagleg utvikling og å bidra til vårt samfunnsoppdrag.

Vi har prosjektkontor i Rundetårnet på Kleppestø kai, Askøy, der du vil få kontorplass saman med resten av prosjektteamet. Stillingane høyrer til byggherrepoolen i Region vest, f.t. knytt til vegavdeling Hordaland.

Arbeidsoppgåver

Vi søkjer byggjeleiarar med god forståing for byggjeleiarrolla. Du vil få hovudansvar for teknisk og økonomisk gjennomføring av små og store vegprosjekt i pakken, og må derfor ha fagleg tyngde, samt kunne kommunisere og samarbeide godt med grunneigarar, konsulentar, entreprenørar og dei andre i prosjektet.

Hovudoppgåvene vil vere å:

  • Følgje og bidra i utarbeiding av byggjeplan og tilbodsgrunnlag
  • Leie utbygginga og kontakta med entreprenør
  • Leie kontrollingeniørane på prosjekt i samarbeid med dei andre byggjeleiarane på prosjektet
  • Drive HMS-arbeid
  • Utføre kvalitets-, framdrifts- og kostnadskontroll

Kvalifikasjonar og bakgrunn

Til desse stillingane ønskjer vi i utgangspunktet at du har operativ erfaring frå både vegbygging og leiing av større eller mindre bygg – og eller anleggsprosjekt, anten frå privat – eller offentlig verksemd. Du trivast med å skape resultat saman med andre, er løysingsorientert og har stå-på-vilje for å få oppgåvene gjennomførd. God skriftleg og munnleg kommunikasjonsevne er viktig og du må ha førarkort kl. B.

Du har relevant utdanning frå universitet eller høgskule, minimum 3 år, innan bygg-/ arealplanlegging eller tilsvarande relevant fagretning. Om du har sterk og allsidig praksis eller etterutdanning, kan vi fråvike kravet om høgare utdanning.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for å avspasere
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Ingrid Terese Westgård Setnes
mob: +47 95246413

Søk stilling

Vis flere stillinger: