Arkivfoto

Kruse Smith lågast i Dirdal

Fem entreprenørar er interessert i jobben med å utvide Røyrdalstunnelen og legge om fylkesveg 45 i Dirdal i Rogaland. Kruse Smith har levert lågast pris.

Statens vegvesen er i gang med å betre framkomsten og gjere fylkesveg 45 i Dirdal tryggare.

Fem entreprenørar leverte tilbod på utvidinga av Røyrdalstunnelen og omlegginga av fylkesvegen i Dirdal. Kruse Smith AS er lågast med 84,569 millionar kroner.

- Vi er nøgde med fem tilbod. No skal vi bruke dei neste vekene til å vurdere og kontrollrekne tilboda, så får vi sjå kven som får kontrakten, seier prosjektleiar Bjarne Våge i Statens vegvesen til vegvesen.no.

Følgjande entreprenørar har levert tilbod:

Hæhre Entreprenør AS (99,773 millionar kroner)

Berthelsen & Garpestad AS (98,326 millionar kroner)

Kruse Smith AS (84,569 millionar kroner)

Risa AS (108,069 millionar kroner)

Contexo AS (90,436 millionar kroner

Fylkesveg 45 i Dirdal blir heilt stengt frå 22. mai og inntil tre månadar. Entreprenøren som får kontrakten har ansvar for å organisere båttransport mellom Oltesvik og Dirdal i stengeperioden.

- Vi har lytta til bedrifter og folk i bygda. Vi hadde tenkt å stenge vegen 20. mai, men venter til 22. mai på grunn av at dette er ei helg med mange konfirmasjonar, seier Våge.