Årsaka er støyp av bruflata på fylkesveganlegget i Endalausmarka, som her krysser Lyseklostervegen med ny betongbru, skriv Statens vegvesen på si internettside.
Den nye fylkesvegen inngår i prosjektet E39 Svegatjørn-Rådal. Statens vegvesen har ikkje høve til å sleppa trafikk forbi under brustøyp og herding av betongen.
Nyebrua er klar for støyping komande helg. Foto: Geir Brekke, Statens vegvesen
Vegen blir stengt i helga for å kunne gjennomføre brustøypen sikrast mogleg. Helgestenging vil og redusere hindringar for trafikken. I påvente av nye E39 Svegatjørn–Rådal er Lyseklostervegen nytta av dagpendlarar mellom delar av Os og Bergen, samt skulebussar. Det er omkøyring i aust om E39 og i vest via kommunal veg og fv. 163 langs Lysefjorden.
Årsaka til at det blir bygd bru her er særleg av omsyn til raudlista augestikkarar i terrenget kring Sjøbøelva i Endalausmarka.
- Nøkkelord
- Bru
- Betong
- Statens vegvesen
- Anlegg