Byggjeleiar for drift og vedlikehald av tunnelar

Publisert 28.06.2016 14:57

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist29.08.2016

Vi søkjer byggjeleiar for drift og vedlikehald av tunnelar i Bergen og brannvernleiar for tunnelar i Bergen og Nordhordland. Stillinga er knytta til Vegavdeling Hordaland, vegseksjon Bergensområdet, og inngår i byggherrepoolen i Region vest. Kontorstad er Bergen.

Arbeidsoppgåver:

  • Oppfølging av fagkontrakt tunnel i Bergensområdet
  • Brannvernleiar for tunnelar
  • Planlegging / utarbeiding av konkurransegrunnlag ved oppgradering og andre mindre prosjekt
  • Oppfølging av byggeprosjekt
  • Delta i prosjektgrupper ved utføring av nye utbyggingsprosjekt

Kvalifikasjonskrav:

  • Utdanning frå universitet eller høgskule innan bygg og anleggsfaget
  • Allsidig erfaring innan drift og vedlikehald
  • Erfaring frå veg og tunnelanlegg vil vera ein fordel
  • Kunnskap om, eller evne til å tileigne seg kunnskap om «Forskrift om brannforebyggende tiltak og tilsyn».
  • Stillinga krev førarkort klasse B.

For søkjarar med teknisk fagskule eller fagbrev, sterk og allsidig praksis frå det aktuelle fagområdet, samt gode personlege føresetnader for stillinga, kan kravet til utdanning fråvikast.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Dette vil vi også leggje vekt på:

  • Du er initiativrik og har evne til å arbeide sjølvstendig
  • Trivst med data som arbeidsverktøy, gjerne erfaring med FDV system
  • Du er fagengasjert og resultatorientert
  • Gode kommunikasjons- og samarbeidsevner

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og våre tilsette skal spegle samfunnet. Vi vil tilpasse arbeidshøva dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Arild Hegrenæs
tlf: +47 55516227
mob: +47 95088756

Torbjørn Hetlevik
tlf: +47 55516204
mob: +47 91126036

Søk på stillinga her

Vis flere stillinger: