Planbestillar

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeRogaland
StedStavanger
Søknadsfrist18.05.2016

Plan- og forvaltningsseksjonen i Stavanger søkjer no etter deg som vil arbeide med planlegging i Sør-Rogaland. Vi er 24 engasjerte og kompetente medarbeidarar, i hovudsak sivilingeniørar, ingeniørar, samfunnsvitarar og fagarbeidarar. Våre hovudoppgåver er planansvar for vegprosjekt, kollektiv- og g/s-tiltak, miljøtiltak, trafikksikringsarbeid, uttalar til kommunale arealplanar og ulike forvaltningsoppgåver.

Arbeidsoppgåver

Statens vegvesen planlegger riks-/og fylkesvegprosjekter på alle plannivå. Planbestillarar er prosjekteigaren sin representant ved gjennomføring av planleggingsprosjekt. Som planbestillar har du prosjektansvaret for kommunedelplanar og reguleringsplanar. Du får ansvaret for å tett følge opp dei som utfører planlegging av våre prosjekter og sjå til at prosjekta når dei mål som er satt og innafor avsett tid. I rolla som planbestillar vil du ha utstrakt kontakt med kommunar og Rogaland fylkeskommune og du vil vera ein viktig bidragsytar i etatens arbeid med effektiv planlegging.

Du vil, saman men dei andre planbestillarane på seksjonen, også vera ein ressurs for den strategiske og samanhengande planlegginga av vegnettet.

Arbeidsoppgåvene kan til ein viss grad tilpassast kvalifikasjonane og ønskjer til den som blir tilsett. Det kan i tillegg bli aktuelt med andre plan- og trafikkfaglege oppgåver innafor seksjonen sine verksemdsområder.

Kvalifikasjonskrav

Du har minimum tre års utdanning frå universitet eller høgskule innan veg-, arealplanlegging eller anna relevant utdanning. Dersom du har sterk og allsidig praksis, og gode personlege føresetnader for stillinga, kan vi sjå bort frå utdanningskravet.

Seksjonen si verksemd er sterkt utadvent og vi legg difor stor vekt på evne til samarbeid internt og eksternt, samt gode kommunikasjonsevner i norsk, både skriftleg og munnleg .

Stillinga krev førarkort klasse B.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Dette vil vi også leggje vekt på

  • Erfaring innan arealplanlegging og samferdsle i offentleg eller privat sektor
  • Kjennskap til relevant lovverk som veglova og plan- og bygningslova
  • Erfaring med prosessleiing
  • Evne til å handtere innspel og engasjement frå dei partane sakane gjeld
  • Evne til å sjå det overordna biletet og klare å prioritera mellom oppgåver

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og gode høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Irene Hegre
tlf: +47 97976295

Søk på stillinga her

Vis flere stillinger: