Byggjeleiarar og kontrollingeniørar byggteknikk og elektro

Statens vegvesen, Region vest, Prosjektavdelinga, har ledige stillingar som byggjeleiarar og kontrollingeniørar innan byggeteknikk og elektro.

Statens vegvesen skal oppgradera eksisterande tunnelar i fylka Sogn og Fjordane, Hordaland og Rogaland. Dette gjeld tunnelar som er lengre enn 500m på E39/E16 og på riksvegnettet. Arbeidet starta i 2014. Prosjektet er planlagt gjennomført i løpet av 2019. Dette kan verta forlenga alt etter arbeidsomfang og løyvingstakt. Oppgraderinga omfattar nytt sikkerheitssystem i dei fleste tunnelane. Ny belysning og ventilasjon. Nye naudstasjonar og fleire evakueringsljos. For dei lengste tunnelane er det og aktuelt å sprenge fjellrom for nye tekniske bygg samt montere videokamera og høgtalarar i tunnelen. Stillingane er knytt til Prosjektavdelinga, prosjekt «Tunneloppgradering Region vest». Kontorstad i Haugesund, Bergen eller Aurland. Stillingane inngår i den regionale byggherrepoolen.

Arbeidsoppgåver for byggjeleiar:

• Leie byggjeførebuingane og ta del i planlegging og anbodsutarbeiding.
• Oppfølgjing av konsulentoppdrag.
• Leie utbygginga.
• Gjennomføre byggjemøter.
• Drive HMS-arbeid og ha fokus på ytre miljø.
• Planlegging av trafikkomleggingar og omkøyringsruter.
• Utføre kvalitets-, framdrifts- og kostnadskontroll.
• Ha kontakt med og følgje opp entreprenørar og andre leverandørar.
• Kontakt med offentlege etatar, redningsetatar og vegbrukarar.
• Ymse sakshandsaming.
• Ha kontakt med media.
• Utarbeide teknisk sluttrapport.

Arbeidsoppgåver for kontrollingeniør:

• Ha kontakt med og følgje opp entreprenørar og andre leverandørar.
• Utføre kvalitets-, framdrifts- og kostnadskontroll.
• Utarbeiding av kontrollplanar.
• Oppfølging av HMS og ytre miljø på anleggene.
• Deltaking i byggjemøter etter behov.
• Kontroll av dokumentasjon.
• Kontroll av målebrev.
• Bistå ved utarbeiding av teknisk sluttrapport.

Kvalifikasjonskrav:

• Utdanning frå universitet eller 3-årig høgskule.
• Omfattande og relevant erfaring innanfor dei aktuelle fagområda kan kompensere for manglande formell utdanning.
• Stillingane set krav til mobilitet, og vi krev førarkort for bil (klasse B).
• De som vert tilsett må beherske norsk målføre, skriftleg og munnleg.

Spesielt for elektrofaget:

• Fagbrev innan elektro og/eller automasjonsfaget.
• Allsidig erfaring innan installasjon av elektrotekniske anlegg.
• Ynskjeleg med erfaring med installering og drift av industrianlegg, samt samferdsleanlegg.
• Ynskjeleg med erfaring frå prosjektering av sterkstraums elektroanlegg.
• Ynskjeleg med erfaring/interesse innan automasjon og ITV.
• Kompetanse til å kunne medvirka til gjennomføring av internkontrollsystemet for elektrotekniske arbeider i regionen.
• Erfaring frå bruk av dataverktøy ved prosjektering (Febdok, Relux, AutoCAD).

Spesielt for byggteknikk:

• 3-5 års erfaring frå anleggsarbeid, men nyutdanna kan også søkje.
• Generelt gode datakunnskapar.
• Kjennskap til arbeid i tunnel, så som sprengning/strossing, betongarbeid, vass- og frostsikring.

Dersom du har teke heile eller deler av utdanninga di i utlandet, tilrår vi at den vert godkjend av NOKUT ( www.nokut.no).

Vi legg vekt på at du:

• Har kunnskap om lover, forskrifter og regelverk innanfor fagområdet.
• Har erfaring frå liknande arbeid/bransjeerfaring.
• Har god skriftleg og munnleg framstillingsevne.
• Er initiativrik, sjølvstendig og resultatorientert.
• Har evne til å arbeida i tidvis hektiske tilhøve.
• Har gode samarbeidsevner og er fleksibel.
• Er genuint fagengasjert med stor interesse for tekniske anlegg og løysingar.

Stort engasjement, mykje ansvar og fagleg utvikling:

Som tilsett i Statens vegvesen vert du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr:

• Introduksjonsprogram og fadderordning
• Fleksitid og gode ordningar for avspasering
• Pensjonsordning og høve til å søkje om lån i Statens pensjonskasse
• Etatsskolar og gode høve for fagleg påfyll.

Lønna vert avtala nærare i samsvar med lønnspolitikken vår.

Statens vegvesen skal vera prega av mangfald, og dei tilsette hos oss skal spegla befolkninga. Vi legg vekt på å leggja arbeidsforholda til rette dersom du har behov for det.

Vi gjer merksam på at søkjarlista kan verta offentleggjord, sjølv om du har bedt om unntak frå denne. I så fall vert du varsla om det.

Søknaden sendes via vår jobbportal: www.vegvesen.no/jobb

Kontaktpersonar:
Rune B. Sandven
tlf: +47 51911750
mob: +47 90653462