Medarbeidar Dokumentasjonssenter nord

Publisert 01.04.2016 09:02

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region nord
FylkeNordland
StedBodø
Søknadsfrist17.04.2016

Vi søkjer deg som kan arbeide sjølvstendig og nøyaktig samtidig som du er produktiv. Du samarbeider og kommuniserer godt og har ei god servicehaldning.

Dokumentasjonssentra i Statens vegvesen har fagansvar for arkiv/dokumenthandsaming i etaten og er ein del av Informasjonsforvaltningsseksjonen i HR- og administrasjonsavdelinga i Vegdirektoratet.Seksjonen er landsdekkande med medarbeidarar og einingar i alle regionane og i Vegdirektoratet. Vi har i mange år hatt elektronisk sakshandsaming. Statens vegvesen nyttar nå Public 360 som sak-/arkivsystem.

Ansvar og arbeidsoppgåver

Du vil delta i dei daglege drifts- og utviklingsoppgåvene som journalføring, skanning og kvalitetssikring av dokumentflyt, i tillegg til fortløpande rådgjeving, rutineutvikling, opplæring og brukarstøtte. Du vil arbeide med opplæring i bruk av sak- arkivsystem, og dessutan omfattande rettleiing innan dokumentfangst for større og mindre prosjekt.

Fagområdet er i sterk utvikling og fokuset framover er i større grad prosessutvikling, brukarstøtte, systemutvikling m.m.

Kvalifikasjonar

Du må ha utdanning frå universitet eller høgskule (minimum 3 år), fortrinnsvis med arkiv og dokumentbehandling i fagkrinsen. Relevant erfaring innanfor dei aktuelle fagområda kan kompensere for manglande formell utdanning. Det er ein fordel med erfaring frå opplæring, gjerne innan sak-arkivsystem. Vidare må du beherske PC som arbeidsverktøy. Erfaring frå Noark 5 vil bli vektlagt. Arbeidsoppgåvene krev at du har god skriftleg og munnleg framstillingsevne på norsk.

Søkjarar må tilfredsstille krava til sikkerheitsklarering.

Vi kan tilby

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • spanande arbeidsoppgåver i ein etat i stadig utvikling
  • gode utviklingsmoglegheiter i ein stor, landsdekkande organisasjon med internasjonalt engasjement

Lønna blir avtalt nærare i samsvar med lønnspolitikken vår.

Kontaktperson: Wencke Karlsen Sørnes, 75552988/48139053

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.

Søk stillinga på vegvesen.no/jobb innan 17. april 2016

Vis flere stillinger: