Fagleiar hydrodynamikk

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeRogaland
StedStavanger
Søknadsfrist05.04.2016

Vi skal bygge bruer som verda aldri før har sett. Vil du vere med?

Fjordkryssingsprosjektet i Ferjefri E39 søker no etter fagleiar hydrodynamikk.

Fjordkryssingsprosjektet er Statens vegvesen si særskilde eining for utvikling av brukonsept for ekstreme fjordkryssingar. Vi jobbar blant anna med utvikling ulike rørbru- og flytebrukonsept for kryssing av Bjørnafjorden og Sulafjorden, og etter kvart står òg dei andre fjordane langs E39 står for tur. Dette er breie og djupe fjordar, og vi står ovanfor utfordringar som Noreg ikkje har hatt sidan utviklinga av industrien i Nordsjøen. Vi trur at det er mogleg å ta med seg erfaringar som er opparbeida offshore til arbeidet med bruene vi no skal bygge.

I Fjordkryssingsprosjektet er vi 25 personar som jobbar med prosjektet på fulltid. Av desse er ti i Stavanger, ein i Bergen og tre i Leikanger. Vi har òg medarbeidarar i Oslo, Skien, Molde, Trondheim og Hamar. Arbeidsstad for denne stillinga er fortrinnsvis Stavanger. Ansvar og arbeidsoppgåver Vi vil at du skal vere med oss og leie arbeidet med å utvikle endeforankra og sideforankra flytebrukonsept for kryssing av Bjørnafjorden og andre fjordar langs E39.

Ansvar og arbeidsoppgåver

  • Fagleiar for hydrodynamikarane på prosjektet(5-6 stk)
  • Ansvar for generell konseptutvikling av ulike konsept for ekstreme fjordkryssingar, samt tilpassing på spesifikke fjordar
  • Fagleg og kontraktsmessig oppfølging av ulike konsulentoppdrag i prosjektet
  • Bidra til implementering av teknologikvalifisering for ekstreme fjordkryssingkonsept
  • Følge opp eksisterande og sette i gang nye FoU-prosjekt knytt til hydrodynamikk
  • Vidareutvikle fagfeltet for bruk på ekstreme fjordkryssingar
  • Samhandle med resten av Fjordkryssingsprosjektet
  • Vi treng også at du er med på å utvikle strategiar for vidare arbeid og framdrift. Det er viktig for oss å spre den nye kunnskapen vi jobbar fram.

Dersom du blir med oss vil du samarbeide med svært dyktige fagfolk frå inn- og utland, i og utanfor Vegvesenet. Du har unike muligheiter til å utvikle fagkompetansen din og til å påverke fagmiljøet gjennom samarbeid vi har med universiteta NTNU, Chalmers og UiS.

Vi søkjer deg med

  • mastergrad eller doktorgrad innan marinteknikk, hydrodynamikk eller anna relevant fagfelt
  • minimum 20 år relevant erfaring innan hydrodynamikk
  • erfaring med store flytande konstruksjonar(gjerne strekkstag-forankra konstruksjonar) eller lange fleksible bruer/konstruksjonar
  • erfaring med relevante dynamiske, hydrodynamiske og strukturelle analyser
  • erfaring med å lede team/prosjekt

Vi legg vekt på at du

  • har erfaring med måling av bølger samt simulering av bølger
  • har erfaring innan konseptutvikling
  • har erfaring frå initiering og oppfølging av forskningsprosjekter, som til dømes implementering av ny kunnskap/teknologi
  • er initiativrik og sjølvdriven i arbeidet
  • engasjerer og skaper entusiasme blant kollegaene dine
  • har evne til å jobbe sjølvstendig, målretta og strukturert
  • har høve til å kunne reise i jobben
  • har god munnleg og skriftleg uttrykksform, både på norsk og engelsk

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll
  • høve til vidareutdanning

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Mathias Egeland Eidem
mob: 92213446

Søk på stillinga her

Vis flere stillinger: