Kontrollingeniør Elektro

Publisert 24.02.2016 08:52

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist09.03.2016

I Statens vegvesen Region vest har vi ein ledig stilling som kontrollingeniør elektroteknisk kompetanse. Med ein stadig aukande trafikk og krav til ein trygg og god trafikkavvikling vert det stilt store krav til den elektrotekniske infrastrukturen. Dette vert løyst blant anna gjennom avanserte styrings- og overvakingssystem, varslingssystem, ny og betre vegbelysning i tunnelar og langs vegnettet forøvrig.

Statens vegvesen har ansvar for å planleggja, prosjektera, implementera og drifta både infrastrukturen og systema. Stillinga inngår i den regionale byggherrepoolen og er for tida knytt til vegseksjonen ved Vegavdeling Hordaland med kontorstad Bergen.

Som kontrollingeniør i Statens vegvesen utøver du byggherrefunksjonen, og er med å sikre at byggjeprosjekta våre held høg kvalitet. I stillinga følger du opp dagleg drift og vedlikehald av elektriske installasjonar som for eksempel signallys på veganlegg. Du har også ansvar for teknisk kvalitetskontroll og dokumentasjon.

Arbeidsoppgåver

  • Ta del i planlegging og anbodsutarbeiding ved oppgradering og nye installasjonar
  • Aktivt arbeid med HMS- fokus saman med entreprenørar
  • Diverse sakshandsaming

Kvalifikasjonskrav

  • Utdanning frå universitet eller høgskule, minimum 3 år innan relevant fagretning eller 2-årig teknisk fagskule
  • Fagbrev innan elektro gruppe L.
  • Førarkort klasse B.

Omfattande og relevant erfaring kan kompensere for manglande formell utdanning.

Det er viktig med gode norsk- og kommunikasjonsferdigheiter skriftleg og muntleg sidan all kommunikasjon ovanfor entreprenørar i kontraktane skal skje på norsk. Søkjar bør også ha kjennskap til styreapparat av type ELC, EC1 og ITC2.

Vi legg vekt på

  • Kunnskap om lover, forskrifter og regelverk innanfor fagområdet
  • Erfaring frå liknande arbeid/bransjeerfaring
  • Grunnleggjande kompetanse innan trafikkteknikk
  • Evne til å jobba sjølvstendig og medverke til eit godt arbeidsmiljø både internt og i forhold til entreprenørane
  • Evne til å jobbe målretta og strukturert

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spanande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Arild Hegrenæs
tlf: +47 55516227
mob: +47 95088756


Vis flere stillinger: