Byggjeleiar Voss og Hardanger

Opprusting av eksisterande tunnelar

Vi søkjer byggjeleiar for investeringsprosjekt - med fokus på tunnel.

I Statens vegvesen Region vest er det ledig stilling som byggjeleiar. Stillinga inngår i byggherrepoolen i regionen, og er f.t. knytt til vegseksjon Voss og Hardanger.

I seksjonsområdet driftar vi vegnettet og gjennomfører nye prosjekt. Vi har mange mindre og større prosjekt som skal gjennomførast dei nærmaste åra, og ein del av dette er opprusting av fylkesvegtunnelar med omsyn til sikkerheit.

Denne stillinga sine oppgåver vil inngå i vegseksjonen sine felles arbeidsoppgåver, og såleis må du pårekna å ta del i både større og mindre prosjekt som vi i fellesskap gjennomfører. Det er over år ulike typer tiltak vi gjennomfører og du vil få gode mulegheiter til å utfordre deg sjølv på oppgåver du ikkje har prøvd før. Vi er gode på å gje ansvar og tillit til den enkelte, og no er vi på jakt etter ein ny person som kan bli med på vegen framover.

Arbeidsoppgåver

Vi søkjer ein byggjeleiar som forstår, og kan løyse utfordringane vi har både i små og større prosjekt. Du får det tekniske og økonomiske hovudansvaret for gjennomføringa og evalueringa av ulike entreprisekontrakter. God fagleg tyngde frå byggjeleiing er ein fordel, men det er like viktig at du kan handtere både grunneigarar, konsulentar og entreprenørar på ein god måte. At du har fokus på og forstår kor viktig godt HMS-arbeid er legg vi stor vekt på i ei slik stilling. Du må og kunne uttrykke deg godt både skriftleg og munnleg, og kunne syne til gode samarbeidsevner. Oppgåvene er elles omtala i Statens vegvesen si Handbok R760 Styring av utbyggings-drift-, og vedlikehaldsprosjekt

Kvalifikasjonar og bakgrunn

Du har relevant utdanning frå universitet eller høgskule, min. 3 år, innan bygg- og anleggstekniske fag. Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet. Du har også førarkort for bil (klasse B). Det er ønskeleg med røynsle frå tunnelvedlikehald eller driving av nye tunnelar. At du er kvalitetsbevisst og god på dokumentasjon av tiltaka er og viktige eigenskapar. Du kan gjerne ha vore byggjeleiar på bygg- eller anleggsprosjekt før, eller du har erfaring frå andre offentlege prosjekt. Dette er likevel ikkje eit krav til stillinga.

Kan du i tillegg seie dette om deg sjølv:

• Eg er resultatorientert og tek initiativ til gjennomføring
• Eg har evne til å arbeida sjølvstendig og leverer
• Eg er fleksibel og er ein lagspelar

- då må du ikkje nøle med å sende søknaden og vi vil avtale ein samtale med deg !

Kontorstaden for stillinga er Voss, men vi kan og vurdere Odda som alternativ stad. Til tider må ein og pårekna å bli ute stasjonert på dei enkelte prosjekta.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og høve til å få lån i Statens pensjonskasse etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Lars Øyre
tlf: +47 53650102
mob: +47 90825865