Kruse Smith lågast på fv 60 Ugla-Skarstein

Tysdag 9.februar kl.13.00 var det tilbodsopning på regionvegkontoret på Leikanger. Totalt 11 tilbod kom inn, og det skilde om lag 63 millionar kroner mellom det høgaste og lågaste tilbodet, skriver Statens vegvesen i ei pressemelding.

Kruse Smith Entreprenør AS var lågast med 202,8 millionar kroner. Nærast var Porr Norge AS med 207,4 millionar kroner.

– Det har vore stor interesse kring dette prosjektet, det såg vi på tilbodssynfaringa i januar, på talet tilbod som kom inn og på prisane. Signala frå bransjen tyder på at det er stor konkurranse i marknaden, og det lågaste tilbodet ligg også under forventa pris, seier prosjektleiar Erling Varlid.

No skal tilboda evaluerast og kontrollreknast før ein tek ei endeleg avgjerd.

– Etter framdriftsplanen vert kontrakten med entreprenøren signert i løpet av mars. Anleggsarbeidet vil truleg starte i april, seier Varlid.

Prosjektet inneheld vegutbetring av fv. 60 mellom Ugla og Skarstein i Stryn kommune, ei strekning på om lag fem kilometer.

Ved Ugla skal det byggast ein tunnel på1170 meter forbi Vangberghammaren. Vidare mot Olden går vegen langs eksisterande trase, med enkelte justeringar av veglinja.

Den nye vegen skal stå ferdig sommaren 2018.

Her er tallene fra åpninga:

* Kruse Smith Entreprenør AS: 202.788.885,30

* Implenia Norge AS: 228 329.217

* Strabag AG: 220.614.193,29

* AF Birkeland Entreprenørforretning AS og Kveen AS: 215.210.778

* KA Aurstad AS: 220.992.137,10

* Porr Norge AS: 207.384.901,21

* Veidekke Entreprenør AS: 265.482.080

* AF Gruppen Norge: 224.544.735,60

* Aldesa Construcciones: 254.604.280,63

* AF Metrostav AS og Bertelsen &Garpestad AS: 211.754.936

* AF Volda maskin AS og Leonard Nilsen &Snr AS: 213.936.637,90