Avdelingsdirektør, Region vest

Vi søkjer ny leiar til vår Trafikant- og køyretøyavdeling i Statens vegvesen Region vest.

Avdelinga har det overordna ansvaret for myndigheitsutøvelse og forvaltning innanfor vegtrafikklovgjevinga. Dette ansvaret vert utøvd ved våre 11 trafikkstasjonar, gjennom tilsyn, kontrollvirksomheit langs vegen, samt ved eininga for Nasjonal løyveeining.

Avdelinga er ein betydeleg bidragsytar i regionen sitt trafikksikkerheitsarbeid og har ca. 300 medarbeidarar i Hordaland, Rogaland og Sogn og Fjordane fordelt på totalt 12 seksjonar og ein stab. For 2016 har avdelinga ein budsjettramme på ca. 280 mill kr.

Viktigste arbeidsoppgåver

Som avdelingsdirektør for Trafikant og køyretøy rapporterer du direkte til regionvegsjefen i Region vest. I tillegg til å ha det overordna ansvaret for den daglege leiing av avdelinga, herunder budsjett, resultat og personalansvar, inngår stillinga i regionvegsjefen si leiargruppe. Du er såleis aktivt med i leiing og utvikling av heile regionen. Stillinga inneber også mykje kontakt og samarbeid med andre einingar i Vegvesenet og eksterne samarbeidspartnarar.

Avdelinga sitt virksomheitsområde er i endring som følge av mellom anna økonomiske rammer, teknologisk utvikling og krav gjeve i EU-direktiv. I dette arbeidet vil du som leiar vere ein stor bidragsytar for å implementere endringane og utvikle avdelinga si tenestestruktur til å møte framtidas behov og forventningar frå våre brukargrupper.

Kvalifikasjonskrav:

Du har utdanning frå universitet eller høgskule, min. 4 år, fortrinnsvis innan leiing, økonomi eller teknisk fagretning. Vi krev fleirårig operativ erfaring frå leiing, anten frå privat eller offentleg virksomheit, og særskilt erfaring frå omstillings- og endringsarbeid.

For deg som har fleire års erfaring med leiing, samt gode personlege føresetnader for stillinga, kan kravet til formalutdanning fråvikast.

Stillinga føreset sikkerheitsklarering eller at slik kan gjevast. Kontorstad er fortrinnsvis Leikanger, men Bergen kan og vurderast. Stillinga inneber ein del reiseaktivitet.

Dersom du har teke heile eller deler av utdanninga di i utlandet, må den vere godkjend av NOKUT( www.nokut.no).

Forventningar:

Å leie og vidareutvikle ei slik stor avdeling vil vere krevjande og særs spennande. Du som leiar må vere utviklingsorientert og omstillingsdyktig i høve til organisasjon og samfunn. Du må ha gode samarbeids og kommunikasjonseigenskapar, og du må kunne vere tydeleg.

I vår arbeidskvardag legg vi stor vekt på våre verdiar: inkluderande, profesjonelle og framtidsretta. Vi ynskjer difor leiarar som:

• er synlege og gode rollemodellar for sine medarbeidarar
• viser handlekraft og gjennomføringsevne
• er resultatorienterte og definerer mål og retning for eininga
• set krav og gjer klare tilbakemeldingar for arbeid og åtferd

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

• introduksjonsprogram og fadderordning
• eigne leiarutviklingsprogram
• fleksitid og gode ordningar for avspasering pensjonsordning og høve til å få lån i Statens pensjonskasse etatsskolar og gode høve for fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Regionvegsjef Helge Eidsnes
mob: +47 95894100