Planbestillar ved Plan- og forvaltningsseksjonen i Bergen

Publisert 18.12.2015 11:17

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7300 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfristsnarest

I Statens vegvesen Region vest er det ledig stilling ved Plan- og forvaltningsseksjonen i Bergen. Seksjonen har hovudansvar for m.a. planlegging av nye vegprosjekt, gang- og sykkeltiltak, trafikksikringstiltak, kollektivtiltak - og universell utforming, effektivisere vegnettet, samt ulike miljø og forvaltningsoppgåver i ei rekkje kommunar i Bergensområdet. Seksjonen har 36 tilsette og som følgje av stor aktivitet i Bergensområdet treng vi styrkja bemanninga vår innan dette arbeidsområdet.

Arbeidsoppgåver

Hovudoppgåve i denne stillinga er å bestille planar internt i tråd med plan- og bygningslova. Dette inneber oppfølging i form av framdrift og økonomi for oppdraga. Andre oppgåver vil m.a. vere deltaking i arbeidsgrupper eksternt der kommunane planlegg tiltak som omfattar riks- og fylkesvegnettet i Bergensområdet. Arbeidsoppgåvene kan til ein viss grad tilpassast kvalifikasjonane og ønskjer til den som blir tilsett.

Kvalifikasjonskrav

Du har minimum tre års utdanning frå universitet eller høgskole innan veg-, arealplanlegging eller annan relevant utdanning. Dersom du har sterk og allsidig praksis og gode personlege føresetnader for stillinga, kan vi sjå bort frå utdanningskravet. Seksjonen si verksemd er sterkt utadvent og vi legg difor stor vekt på evne til samarbeid internt og eksternt, samt gode kommunikasjonsevner både skriftleg og munnleg.

Dette vil vi også leggje vekt på

  • kjennskap til relevant lovverk som veglova og plan- og bygningslova
  • evne til å handtere innspel og engasjement frå dei partane sakene gjeld
  • evne til å sjå det overordna bildet og klare å prioritera mellom oppgåver

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og gode høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Sindre Lillebø
tlf: +47 55516407
mob: +47 91335871

Vis flere stillinger: