Leiar - Styringsseksjonen

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 6000 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Vegdirektoratet
FylkeOslo
Søknadsfrist27.11.2015

Vi søker ein dyktig og erfaren leiar til Styringsseksjonen i Vegdirektoratet.

Styringsseksjonen består av om lag 10 medarbeidarar og er ein av to seksjonar i den nye styrings- og strategistaben som rapporterer direkte til vegdirektøren. Stillinga er fast. Den nye eininga er oppretta med bakgrunn i at Styringsstaben og Avdeling for økonomi og strategi er slått saman. Økonomiseksjonen inkludert Landsdekkande regnskap overførast til HR- og administrasjonsavdelinga.

Ansvar og arbeidsoppgåver i seksjonen

Seksjonen har ei sentral rolle i styringa av Statens vegvesen og hjelper vegdirektøren med etaten sine bidrag til statsbudsjett, utarbeiding og oppfølging av resultatavtaler mellom vegdirektøren og regionane og avdelingar og staber i Vegdirektoratet. Seksjonen har utstrakt samarbeid med Samferdselsdepartementet og skal sikre at styringssignal frå Samferdselsdepartementet blir tatt hand om. Seksjonen skal bidra til utvikling av etaten sitt overordna styringssystem.

Kvalifikasjonar

Vi søker ein endringsorientert leiar med evne til strategisk og heilskapleg tenking. Du må ha solid evne til gjennomføring, høy kompetanse på - og erfaring frå virksomhetsstyring, mål- og resultatstyring i større organisasjonar.

Du har leiarerfaring med personalansvar og/eller prosjektleiing i tillegg til brei samfunnskunnskap. Arbeidsoppgåver tillagt stillinga krev at du kan uttrykke deg godt både skriftlig og munnleg på norsk.

Du har utdanning frå universitet eller høgskule, minimum fire år, fortrinnsvis innan relevante fagområder ut frå ansvar og arbeidsoppgåver i seksjonen og/eller leiing. Omfattande og relevant erfaring kan kompensere for manglande formell utdanning.

Dersom du har teke heile eller deler av utdanninga di i utlandet, ønskjer vi ei autorisert oversetjing av dine papir og godkjenning frå NOKUT (www.nokut.no).

Du må tilfredsstille krava til nødvendig sikkerhetsklarering.

I Statens vegvesen ønsker vi å vere profesjonelle, framtidsretta og inkluderande. Som leiar av kontoret er det viktig at du

  • kommuniserer klart og presist, at du samhandlar godt, ser løysingar og kan vise handlekraft gjennom fagleg styrke
  • engasjerer medarbeidarar og samarbeidspartnarar til å tenke i framtidsscenario og vurdere kva for krav dette stiller til det vi leverer
  • jobbar målretta for at Statens vegvesen skal vere imøtekommande, ha omtanke for omgivnadane og vere tilgjengeleg
  • er fleksibel når det gjeld reiseverksemd

Alle leiarar i Statens vegvesen må ta ansvar for å utvikle medarbeidarane sine og seg sjølv, og vere medvitne om at dei er rollemodellar og kulturskaparar.

Vi tilbyr òg desse goda:

  • introduksjonsprogram og mentorordning
  • eigne leiarutviklingsprogram og gode moglegheiter for fagleg påfyll
  • fleksitid og gode ordningar for å avspasere
  • pensjonsordning og moglegheiter for lån i Statens pensjonskasse

Løn blir avtalt nærare i samsvar med lønnspolitikken vår.

Vil du vite meir om stillinga kan du kontakte direktør Lars Aksnes, 22 07 36 10/ 913 56 401

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Vis flere stillinger: