Naturvitar, Bergen

Samfunnet set strenge miljøkrav for bygging, drift og vedlikehald av veg. For å sikre at føringar og krav for det ytre miljøet blir innarbeidd i konkurransegrunnlag, samt ivareteken i gjennomføringsfasen, skal alle vegprosjekt/-kontraktar ha ein ytre miljø plan (YM-plan). På denne bakgrunn ønskjer vi å styrke prosjekteringsseksjonen vår med ein dyktig og engasjert naturvitar med interesse for samfunnsplanlegging.

Prosjekteringsseksjonen er ein del av Ressursavdelinga i Statens vegvesen Region vest, og har som hovudoppgåver å utarbeide byggeplanar og konkurransegrunnlag for vegar, gatar og tunnelar ved eigenprosjektering eller bruk av konsulentar.

Arbeidsoppgåver:

Hovudoppgåva vil vere å utarbeide YM-planar på byggeplannivå ved både eigenproduksjon og konsulentbistand. Det kan og vere aktuelt å følgje opp YM-planen i anleggsfasen. Du vil ha eit tverrfagleg samarbeid og yte fagleg bistand internt mot andre einingar, samt i nokon grad ha kontakt med eksterne samarbeidspartnarar som t.d. kommune og fylkesmann.

Kvalifikasjonskrav:

Naturvitskapleg utdanning på hovudfags-/masternivå frå universitet/høgskule, gjerne med fordjuping innanfor fagretningar som miljøgeologi, miljøtoksikologi, limnologi eller liknande.

Då stillinga inneber stor grad av utarbeiding av skriftlege rapportar og dokumentasjon, samt mykje intern/ekstern kontakt, set vi krav til gode kommunikasjonsevner både skriftleg og munnleg. Det er ønskjeleg med erfaring i bruk av dataverktøy i planlegginga som ArcGis m.fl.

Aktuelle søkjarar har min. 2 års praksis frå relevante fagområde, gjerne innanfor offentleg forvaltning eller konsulentbransjen.

Vi ser etter deg som har ei heilskapleg forståing for fagområdet, men som samstundes ser viktigheten av, og evnar å balansere mot, dei andre fagområda som er representert i prosjekta. Du må kunne arbeide sjølvstendig og strukturert, og ha særs gode gjennomføringsevner.

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og høve til å få lån i Statens pensjonskasse
• etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og våre tilsette skal spegle samfunnet. Vi vil tilpasse arbeidshøva dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Annicke Bergh Monsen
tlf: +47 55516523
mob: +47 92237372