Stabsmedarbeidar til Vegavdeling Sogn og Fjordane

Publisert 06.11.2015 13:44

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 6000 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeSogn og Fjordane
StedLeikanger
Søknadsfrist22.11.2015

I Statens vegvesen Region vest er det ledig ei fast stilling som stabsmedarbeidar ved Vegavdeling Sogn og Fjordane. Stillinga blir delt mellom avdelingsdirektøren sin stab og vegseksjon Sogn, begge lokalisert på Leikanger.

Vegavdelinga har ansvar for forvaltning, drift, vedlikehald og planlegging og bygging av ulike tiltak på riks- og fylkesvegane i Sogn og Fjordane.

Stillinga og oppgåvene vil utviklast og tilpassast slik at kompetansen til dei som høyrer til staben vert brukt på beste måte.

Aktuelle arbeidsoppgåver:

  • Tilrettelegging for møteverksemd
  • Saksbehandling
  • Rapportering
  • Byggherrestøtte på vegseksjon Sogn
  • Arbeid med resultatavtalar og interne årsplanar
  • Andre administrative oppgåver knytt til avdelingsdirektøren og vegseksjonen sitt arbeidsfelt
  • Oppgåvene endrar seg med aukande erfaring og kunnskap.

Kvalifikasjonskrav:

Utdanning frå høgskule innan administrative fag, minimum 2 år. For kandidatar med sterk og allsidig praksis og gode personlege føresetnader for stillinga, kan kravet til utdanning fråvikast.

Søkar må kunne beherska norsk skriftleg og munnleg.

Vi vil og legge vekt på at du er:

  • Initiativrik, ansvarsbevisst og open for varierte oppgåver

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og gode høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

SØK HER

Kontaktpersonar:
Svenn Finden
mob: +47 95148614


Vis flere stillinger: