Automasjonsingeniør, Bergen

Prosjekteringsseksjonen er ein del av Ressursavdelinga i Statens vegvesen Region vest, og har som hovudoppgåver å utarbeide byggeplanar og konkurransegrunnlag for vegar, gatar og tunnelar ved eigenprosjektering eller bruk av konsulentar.

Vi ynskjer å styrka vår kompetanse innan planlegging og prosjektering av styre– og overvakingssystem og nettverks– og kommunikasjonsløysingar, og søkjer ein ny medarbeidarar til vårt kontor i Bergen.

Arbeidsoppgåver:

Som automasjonsingeniør vil di hovudoppgåve vere å planleggje og detaljprosjektere styre– og overvakingssystem og nettverks– og kommunikasjonsløysingar for m.a tunnelanlegg, veglysanlegg og automatiserte skiltsystem.

Du får ansvar for å utarbeide konkurransegrunnlag innanfor ditt fagområde. Dette inneber utarbeiding av teikningsgrunnlag og skildrande tekst for innhenting av tilbod frå entreprenørar.

Du deltek på befaringar og byggemøter etter behov, samt utfører kontroll og testing av anlegg på byggeplassen.

Kvalifikasjonskrav:

Utdanning frå universitet-/høgskule, min. 3 år, med relevant linje– og fagkombinasjon, t.d automatiseringsteknikk, kybernetikk el. lign.

For søkjarar med lang og relevant erfaring frå lignande oppgåver i samferdsleprosjekt og med gode personlege føresetnader for stillinga, kan vi fråvike kravet til utdanning.

Dersom du har teke heile eller deler av utdanninga di i utlandet, ber vi om ei autorisert oversetjing av dine papir og godkjenning frå NOKUT ( www.nokut.no).

Aktuelle søkjarar har min. 5 års praksis frå tilsvarande oppgåver innan fagområdet og gode kunnskaper om industrielle styre- og kontrollsystemer, instrumentering, datanettverk og fiberoptisk kommunikasjon. Det vil vere ein fordel at du har god markeds – og produktkunnskap frå dette området.

Det er naudsynt med førarkort kl. B.

Då stillinga inneber stor grad av utarbeiding av skriftlege rapportar og dokumentasjon, samt mykje intern/ekstern kontakt, set vi krav til gode kommunikasjonsevner både skriftleg og munnleg. I tillegg til eit godt auge for detaljar.

Du vil ha eit tverrfagleg samarbeid og yte fagleg bistand internt mot andre einingar, samt ha god kontakt med våre leverandørar. Vi ser etter deg som har eit stort fagleg engasjement og som set kunnkapsdeling høgt. Då vi i stor grad arbeider oppdragsbasert er det særs viktig med gode gjennomføring – og leveranseevner, samt evne til å organisere dine oppgåver på ein sjølvstendig og strukturert måte.

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt.

Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og høve til å få lån i Statens pensjonskasse
• etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og våre tilsette skal spegle samfunnet. Vi vil tilpasse arbeidshøva dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk stilling

Kontaktpersonar:
Annicke Bergh Monsen
tlf: +47 55516523
mob: +47 92237372

Tom Hellebø
tlf: +47 57655827
mob: +47 90059076