Ferdig tunnel på Haukeli

Arbeidet tok til i juni 2014, og har pågått fram til oktober 2015. Testing av styringssystemet står att, men trafikken går no gjennom tunnelen, melder vegvesen.no.

Arbeidet har omfatta to hovudkontrakter. Sprenging, sikring og utskifting av vassikringsplatene var viktige delar av første oppdraget. Deretter har det vore elektro-fornying gjennom tunnelen. Kostnadsoverslaget ligg på drøye 40 mill. kr. – før sluttoppgjeret er i hamn.

Tunnelen var stengt i store delar av 2014, med omkøyring i kolonne og ledebil på gamlevegen. Det har også vore ein del kolonnekøyring i 2015, etter ein vinterpause, der det var uråd å nytte omkøyringsvegen, som ligg i kring 1.000 meters høgde.

Arbeidet blei ganske mykje seinka pga trekking av høgspentkabel. Det same gjorde oppkopling av sambandslinja, opplyser byggjeleiar Hans Myklatun i Statens vegvesen.

Han vil takke trafikantane for å ha synt stort tolsemd under oppgraderinga av E134 Svandalsflonatunnelen. At det kom noko kritikk mot venting på kolonne i den travlaste ferietrafikken - lyt vi ta med oss, seier Myklatun.