Kontrollingeniør på prosjektet E39 Svegatjørn-Rådal

Hausten 2015 starta anleggsarbeidet på den nye motorvegen mellom Os og Bergen. Her skal det i alt byggjast 18,5 km ny 4-felts veg, av dette ca. 14,5 km i tunnel. Med ei kostnadsramme på 6,5 milliardar kroner er prosjektet eit av dei største vegprosjekta som nokon gong er gjennomført i Noreg.

Om du vil vere med på byggherrelaget, må du søkje no!

Som kontrollingeniør er du med på å sikre at prosjektet vårt held høg kvalitet. Vi har no 2 – 4 ledige stillingar i prosjektet som kontrollingeniør innan fagområdet veg. Stillingane inngår i den regionale byggherrepoolen.

Arbeidsoppgåver:

• Kontakt og oppfølging av entreprenørar og andre leverandører, inkl. fotografering, føring av dagbok og oppfølging av krav til dokumentasjon og rapportering
• Oppfølging av arbeida, samt å utføre eller få utført teknisk stikkprøvekontroll innafor eige ansvarsområde.
• Kontrollen skal utførast og dokumenterast i ut frå byggherren sin kontrollplan
• Deltaking i byggjemøter etter behov
• Ta del i den daglege kontakten med dei som vert berørte av anleggsarbeida
• Bistå med utarbeiding av teknisk sluttrapport

Kvalifikasjonar og bakgrunn:

Du har relevant utdanning frå universitet eller høgskule, min. 3 år, innan bygg- og anleggstekniske fag. Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet. Du har også førarkort for bil (klasse B).

Vi søkjer etter omgjengelege og målretta medarbeidarar innan fagområdet vegbygging. Vi ser helst at du har min. 3-5 års erfaring frå anleggsarbeid, men nyutdanna kan også søkje. Både kreativitet og evne til systematisk arbeid er viktige eigenskapar i denne jobben. I tillegg må du ha gode kommunikasjonsevner både munnleg og skriftleg.

Ein kontrollingeniør må vere initiativrik, ryddig, strukturert og serviceinnstilt. Evne til å samarbeide med entreprenørane våre er heilt avgjerande, og du bør trivast ute på byggjeplassen. Det er elles viktig med gode generelle datakunnskapar.

Dersom du har teke heile eller delar av utdanninga di i utlandet, ber vi om ei autorisert omsetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

• Introduksjonsprogram og fadderordning
• Fleksitid og gode ordningar for avspasering
• Pensjonsordning og høve til å få lån i Statens pensjonskasse
• Etatsskular og gode høve for fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det. Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Les meir om prosjektet på: vegvesen.no/vegprosjekter/e39svegatjornradal

Søk her

Kontaktpersonar:
Knut B. Langeland
tlf: +47 908 25 871