Firma | Statens vegvesen Region vest |
Fylke | Rogaland |
Sted | Stavanger |
Søknadsfrist | 18.10.2015 |
Vil du arbeide med sakshandsaming av skilt?
Statens vegvesen Region vest treng sakshandsamar av forvaltningsoppgåver til Plan og forvaltningsseksjonen i Stavanger.
Plan- og forvaltningsseksjonen har 25 medarbeidarar, i hovudsak sivilingeniørar, ingeniørar, samfunnsvitarar og fagarbeidarar.
Statens vegvesen har ansvar for at planlegging skjer med omtanke for menneske og miljø, samstundes som vi skal sikre at trafikantar skal komme trygt og effektivt fram.
Seksjonens hovudoppgåver er planansvar for vegprosjekt, kollektiv- og miljøtiltak, trafikktryggingsarbeid, fråsegner til kommunale arealplanar og ulike forvaltningsoppgåver.
Ansvar og arbeidsoppgåver
Vi søkjer etter deg som vil arbeide med sakshandsaming av skilt og oppmerking langs riks- og fylkesvegnettet. Trafikksikring er eit viktig element i denne samanhengen, og arbeidet skal utførast i tråd med nullvisjonen. Det blir di oppgåve å planleggje og forvalte trafikkskilt. Du vil arbeide samen med andre fagpersonar på avdelinga og vi har eit godt fagleg og sosialt miljø. Oppgåvene medfører også samarbeid med konsulentar og andre offentlege etatar, som kommunar og politi.
Alt etter di erfaring og interesse, samt seksjonen sitt behov, vil oppgåvene avpassast. Andre arbeidsoppgåver kan også bli aktuelt.
Kvalifikasjonskrav
Vi søkjer deg med høgare utdanning innafor relevant fagområde, minimum 3 års høgskule. Vi vil også vektlegge erfaring frå dei aktuelle fagområda, eventuell etterutdanning og gode personlege føresetnader for stillinga. Nyutdanna vil også bli vurdert.
For deg som har sterk og allsidig praksis frå dei aktuelle fagområda, eventuelt med etterutdanning og gode personlege føresetnader for stillinga, kan kravet til utdanning fråvikast.
Norsk er arbeidsspråket i Statens vegvesen. Du må kunne ordleggje deg godt skriftleg og munnleg på norsk, slik at du kan utføra arbeidsoppgåvene sjølvstendig på en god måte.
Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT.
Stort engasjement, mykje ansvar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.
Vi tilbyr òg desse goda:
- introduksjonsprogram og fadderordning
- fleksitid og gode ordningar for avspasering
- pensjonsordning og høve til å få lån i Statens pensjonskasse
- etatsskolar og høve til fagleg påfyll
Lønna blir avtalt nærare i samsvar med lønnspolitikken vår.
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
Kontaktpersonar:
Lisa Garpe
mob: +47 91323718
Vis flere stillinger:
- Alle
- Søk etter Statens vegvesen Region vest, Stavanger
- Fylke Rogaland