Vegplanleggar ved planseksjonen

I Statens vegvesen Region vest, Ressursavdelinga, har vi ledig stilling som vegplanleggar ved planseksjonen i Bergen. Stillinga kan bli tillagt ansvar for koordinering og kvalitetssikring innanfor vegfaget. Vi ser etter deg som har nokre års erfaring og gjerne også har ønskje om å leie planprosjekt.

Statens vegvesen i Bergen flyttar inn i heilt nye lokale i Nygårdsgaten 112 den 12.oktober 2015. Her stoppar Bybana like ved døra.

Planseksjonen er eit samla fagmiljø med nærare 100 medarbeidarar i regionen. Vi har kontor i Leikanger, Bergen og Stavanger. Planseksjonen løyser prosjekta via eigenplanlegging eller bruk av konsulentar, og vi utfører i hovudsak planprosessar etter Plan- og bygningslova (kommune- og reguleringsplanar), samt utgreiingar og analyser. Vi utfører veg- og gateplanlegging på store og små investeringsprosjekt i regionen på ulike plannivå. Prosjekta varierar frå store veganlegg til bygateprosjekt, miljøgateprosjekt, gang- og sykkelvegtiltak, trafikksikringstiltak, støyskjerming, m.m.

Arbeidsoppgåvene vil variere noko innan følgjande område, avhengig av erfaring og kompetanse:

• veg- og tunnelplanlegging 
  
• koordineringsoppgåver, arbeid med fagleg kvalitetssikring 
  
• styring av planprosjekt arbeid med regulerings- og kommunedelplanar 
  
• sakshandsaming etter plan- og bygningslova 
  
• konsekvensutgreiingar 
  
• anskaffing og styring av konsulentoppdrag 
  
• trafikksikring 
  
• yte intern fagleg bistand
  

Kvalifikasjonskrav:

• eksamen frå universitet eller høgskule innan veg-/areal-/transportplanlegging, trafikkteknikk eller tilsvarande 
  
• ønskjeleg med erfaring som prosjektleiar/planprosessleiar 
  
• erfaring frå utgreiing, planlegging av vegar og tunnellar, samt trafikkplanlegging 
  
• gode evner til samarbeid, gode evner til sjølvstendig arbeid og stå på vilje for å få gjennomført oppgåvene 
  
• ønskjeleg med erfaring i bruk av dataverktøy i planlegginga (AutoCAD, NovaPOINT, GisLine, ArcGis, m.fl.)
  

For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan vi fråvike kravet til utdanning.

Personlege eigenskapar:

• gode kommunikasjonsevner 
  
• evne til å styre, koordinere og samordne oppgåver
  

Ein god og mangfaldig arbeidsplass
Statens vegvesen er ein arbeidsgjevar som er oppteken av tydlege og trygge rammer for våre medarbeidarar. Vi har eit regelverk som sikrar medarbeidaranes rettar, og sjølv om det til tider er hektisk hos oss og arbeidsmengda kan vere stor, legg vi vekt på at ein har rom for fleksibel arbeidstid. Vi ønskjer at du skal kunne kombinere jobb og fritid på ein god måte. Vi tilbyr løn etter nærare avtale. Det vert trekt 2 % pensjonsinnskot til pensjonsordning i Statens pensjonskasse.

Søknad
Etaten har likestilling som mål. Den statlege arbeidsstyrken skal i størst mogleg grad gjenspegle mangfaldet i befolkninga. Det er difor eit personalpolitisk mål å oppnå ei balansert alders- og kjønnssamansetning og rekruttere personar med innvandrarbakgrunn. Personar med innvandrarbakgrunn vert difor oppfordra til å søkje stillinga. Personar med redusert funksjonsevne vert også oppfordra til å søkje stillinga. Det vert gjort merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjar varslast om dette.

Dersom du har teke heile eller deler av utdanninga di i utlandet, tilrår vi at den vert godkjend av NOKUT.

Kontaktperson:
Meir utfyllande informasjon om stillinga kan du få ved å kontakta seksjonsleiar Wilhelm Lund, mailadresse: wilhelm.lund@vegvesen.no

Søk stilling