- Vi er nøgde med at vi nå får gå i gang med anbodsrunden. Målet med prosjektet er å bygge eit funksjonelt vegnett, der det er lagt til rette for kollektivtrafikk og eit effektivt gang- og sykkelvegnett, seier byggeleiar Arild Kalleland Vallestad i Statens vegvesen.
Kvala-Fagerheim i nordre del av Haugesund er ein del av Hauglandspakken. Prosjektet inneheld 1300 meter firefeltsveg, ein 140 meter lang miljøtunnel gjennom Storhaug og to bruer. Kvala bru er 80 meter, Dubberselva bru er 40 meter.
Entreprenøren fjernar også fem-seks farlege avkøyringar, som blir samla i to rundkøyringar, bygger langsgåande gang- og sykkelveg, støyvollar og støyskjermar, pluss ein undergang ved Fagerheim.
- Dette prosjektet har lege i vannskorpa i lengre tid så eg trur at entreprenørane venter på denne jobben, meiner Kalleland Vallestad.
Anbodsfristen er 2. september. Det er lagt opp til ei tilbodssynfaring 13. august. Etter planen blir kontrakten skriven under i månadsskiftet oktober/november. Anleggsarbeidet begynner kort tid etter kontraktsigneringa.
Fylkesveg 47 Kvala-Fagerheim ut på anbod
Byggeleiar Arild Kalleland Vallestad. Foto: Bjørn Egil Gilje/Statens vegvesen
Publisert: 03.07.2015 13:13. Sist endret: 03.07.2015 13:14.