Arbeids- og sosialminister Robert Eriksson. Arkivfoto: Torstein Bøe / NTB scanpix

Servicesenter for utanlandske arbeidstakarar (SUA) opna i Bergen

Publisert 18.06.2015 21:47

Arbeidstilsynet, politiet, Skatteetaten og Utlendingsdirektoratet (UDI) opna torsdag eit nytt Servicesenter for utanlandske arbeidstakarar og arbeidsgivarane deira. Senteret skal gjere det enklare og meir effektivt for brukarane.

Byggeindustrien

Arbeids- og sosialminister Robert Eriksson opna offisielt senteret i Bergen måndag 15. juni.

− Det var viktig å prioritere å få eit SUA i Bergen. Vi vil ha auka behov for arbeidskraft i tida framover. Samarbeidet er viktig for å førebyggje og avdekkje arbeidsmarknadskriminalitet, sa statsråd Eriksson under åpninga.

På servicesenteret vil utanlandske arbeidstakarar effektivt få ordna nødvendige registreringar og løyver frå alle etatane slik at dei raskare kjem seg i arbeid.

Utlendingar med tilbod om arbeid kan no mellom anna søkje om opphaldsløyve, skattekort og personnummer på ein stad. Senteret er òg viktig i den tverretatlege innsatsen for å førebyggje sosial dumping og arbeidsmarknadskriminalitet.

SUA er allereie etablert i Oslo, Stavanger og Kirkenes.

− Dette er ei forenkling for næringslivet og alle utanlandske arbeidstakarar i regionen. Her vil brukarane få ordna mange ting på eitt kontor og vil få god rettleiing og informasjon, seier Bjarte Jørgensen, leiar av SUA i Bergen.