Kontorleiar i Sogndal

Norconsult i Sogn og Fjordane er lokalisert med kontor i Førde, Sogndal og Årdal. Vi arbeider med prosjekt for bygg, VVS, elektro, industri og maskin (prosess), småkraft, landskap og arealplanlegging, miljøkartlegging, VVA, prosjektadministrasjon, byggeleiing og landmåling.

Vår kontorleiar i Sogndal gjennom mange år trer til side på grunn av aldersgrense for leiarar i Norconsult. Kontoret har sidan 2005 vakse frå 13 til 36 tilsette, og vi søkjer etter ny leiar som kan utvikla eit sterkt fagleg miljø av landskapsarkitektar og ingeniørar. Norconsult ønskjer ein handlekraftig leiar som inspirerer organisasjonen til vidare utvikling og vekst i fylket, med gode relasjonseigenskapar både internt i organisasjonen og mot kundar.

Kontorleiar inngår i leiargruppe for Region Vest med nærare 300 tilsette og 8 kontorstader i Rogaland, Hordaland og Sogn og Fjordane.

Hovudoppgåver

• Ansvar for strategi- og forretningsutvikling
• Resultatansvar - oppnå planlagt økonomisk resultat
• Marknadsansvar - kontakta kundegrupper og kundar for å sikra planlagt omsetning og vekst
• Kompetanse- og kapasitetsansvar, sørgja for tilstrekkeleg kompetanse og kapasitet
• Personalansvar - utvikla og ta vare på medarbeidarar

Ønskjeleg faglege kvalifikasjonar

• Høgare utdanning primært sivilingeniør eller ingeniør
• Økonomiforståing
• Marknadsforståing

Ønskjeleg erfaring

• Erfaring frå rådgjevande verksemd
• Personalleiing
• Erfaring frå eller kjennskap til næringsliv og offentleg verksemd i Sogn og Fjordane

Vi tilbyr medeigarskap og elles gode vilkår. Selskapet legg vekt på utvikling av eigne tilsette.

Spørsmål om stillinga kan rettast til regiondirektør Sigurd Rugsland, 454 01 265 og sigurd.rugsland@norconsult.com

Innsendelse av søknad

Søknad med CV, vitnemål og attester sendes via vårt elektroniske søknadsskjema.

 Send søknad