Firma | Statens vegvesen Region vest |
Fylke | Sogn og Fjordane |
Sted | Førde eller Nordfjordeid |
Søknadsfrist | 26.05.2015 |
I Statens vegvesen Region vest, vegavdeling Sogn og Fjordane, har vi ledig stilling som byggjeleiar/kontrollingeniør innan elektrofaget. Med ein stadig aukande trafikk og krav til ein trygg og god trafikkavvikling, vert det stilt store krav til den elektrotekniske infrastrukturen. Dette vert mellom anna løyst gjennom avansert styrings- og overvakingssystem, varslingssystem, ny og betre vegbelysning i tunnelar og langs vegnettet elles. Statens vegvesen har ansvar for å planleggje, prosjektere, implementere og drifte både infrastrukturen og systema. Stillinga er knytt til byggherrepoolen i Region vest, for tida med kontorstad Førde eller Nordfjordeid.
Arbeidsoppgåvene vert:
- Oppfølging av drift- og vedlikehaldskontraktar og investeringsprosjekt
- Planlegging og utforming av konkurransegrunnlag både ved rehabilitering og ved nye anlegg
- Innkjøp og oppfølging av konsulentoppdrag
- Utføre kvalitets- framdrifts- og kostnadskontroll
- Drive HMS-arbeid
- Ha kontakt og oppfølging av entreprenør og andre leverandørar
- Sikre at planlagde og prosjekterte anlegg blir installert og dokumentert i samsvar med aktuelle lover, forskrifter, normer og interne handbøker
- Vere ein ressursperson innan elektrofagfeltet og yte intern fagleg bistand
Kvalifikasjonskrav:
- Utdanning frå høgskule eller teknisk fagskule innan elektro
- Fagbrev innan elektro- eller automasjonsfaget
- Allsidig erfaring innan installasjon, drift- og vedlikehald av elektrotekniske anlegg
- Kompetanse for å kunne medverke til gjennomføring av internkontrollsystemet for elektrotekniske arbeid i regionen
- God kjennskap til forskrifter, normer og regelverk innan elektrofaget
- Erfaring frå bruk av dataverktøy ved prosjektering (FebDok, Relux, AutoCAD)
- Erfaring med installering og drift av samferdselsanlegg er ønskjeleg.
- Ønskeleg med erfaring innan prosjekteringsleiing og/eller prosjektering av sterkstraums elektroanlegg
- Ønskeleg med erfaring /interesse innan automasjon og ITV
- Førarkort kl. B
For kandidatar med sterk og allsidig praksis frå dei aktuelle fagområda og gode personlege føresetnader for stillinga, kan kravet til utdanning fråvikast.
Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).
Det vil bli lagt vekt på at du:
- har kunnskap om lover, forskrifter og regelverk innanfor fagområdet
- har erfaring frå liknande arbeid/bransjeerfaring
- har god skriftleg og munnleg framstillingsevne
- er initiativrik, sjølvstendig og resultatorientert
- har evne til å arbeide i tidvis hektiske tilhøve
- har gode samarbeidsevner og er fleksibel
- er genuint fagengasjert med stor interesse for tekniske anlegg og løysningar
Stort engasjement, mykje ansvar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.
Vi tilbyr også desse goda:
- introduksjonsprogram og fadderordning
- fleksitid og gode ordningar for avspasering
- pensjonsordning og høve til å få lån i Statens pensjonskasse
- etatsskolar og gode høve for fagleg påfyll
Lønna blir avtalt nærare i samsvar med lønnspolitikken vår.
Søknad:
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
Dersom du synes stillinga høyres spennande ut, sender du søknaden via vår jobbportal: www.vegvesen.no/jobb.
Kontaktpersonar:
Margot Åsebø
mob: +47 95191902
Petter Hole
mob: +47 41145711
Vis flere stillinger:
- Alle
- Søk etter Statens vegvesen Region vest, Førde eller Nordfjordeid
- Fylke Sogn og Fjordane