Prosjektleiar - Senter for utbygging - Kystverket Nordland

Publisert 28.04.2015 09:04

Kystverket er ein nasjonal etat for kystforvalting og samferdsel til sjøs. Etaten har ansvar for fiskerihamner, farleier, navigasjonsinstallasjonar, lostenesta og trafikkontroll. Verksemda dekkjer også maritim sektor av nasjonal transportplan i tillegg til myndigheits- og forvaltingsoppgåver i samband med lover og regelverk for hamner, farleier og losplikta. Kystverket har òg ansvaret for staten sin beredskap mot akutt forureining.

FirmaKystverket
FylkeNordland
StedKabelvåg
Søknadsfrist10.05.2015

Senter for utbygging i Kabelvåg har i dag 20 tilsette. Hovudoppgåven er prosjektering og gjennomføring av utbyggingstiltak i fiskerihamner og farleier i heile landet. Du får ansvar for å leie planprosessar,samt styre prosjekt innanfor gjevne rammer for tid, økonomi og kvalitet. Avdelinga har spesialkompetanse på høgt nivå innan anleggsteknikk, kontraktsadministrasjon, prosjektstyring og byggeleiing,samt kvalitetssikring og HMS. Du får mykje kontakt med kommunar, andre offentlege etatar, grunneigarar og interessegrupper.

Arbeidsoppgåver

  • Prosjektleiing av hamne- og farleistiltak
  • Prosjektering
  • Utarbeiding av konkurransegrunnlag
  • Inngåing av kontraktar med konsulentar og entreprenørar i anleggs-/byggefasen
  • Deltaking i interne prosjekt- og arbeidsgrupper

Kvalifikasjonar

  • Sivilingeniør eller ingeniør med utdanning frå universitet eller høgskole, fortrinnsvis bygg- eller anleggslinje
  • Søkjar til stillinga bør ha relevant praksis frå konsulentkontor, entreprenørverksemd eller offentleg etat
  • Avdelinga har brei samansetjing i alder og du må gjerne vere yngre og intiativrik

Personlege eigenskapar

  • Gode samarbeids- og kommunikasjonsevner
  • Sjølvstendig med evne til å ta initiativ
  • Gode evner til kontaktskaping
  • Gode skriftlege og munnlege kommunikasjonsevner
  • Fleksibilitet
  • Det er nødvendig med førerkort for bil. Stillinga inneber noko reiseverksemd

Språk

  • Norsk
  • Engelsk

Vi tilbyr

  • Utfordrande, interessante og varierte arbeidsoppgåver
  • Eit kollegialt og utviklande fagmiljø
  • Gode velferdsordningar
  • Fleksibel arbeidstid
  • Kystverket er ei IA-bedrift
  • Gode moglegheiter for etter- og vidareutdanning
  • Pensjonsordning i Statens pensjonskasse
  • Stillinga vert avlønna i st.kode 1087/1181 som overingeniør/senioringeniør etter statens lønnsregulativ

Den statlege arbeidsstyrken skal spegle mangfaldet i folket. Difor vil vi ha mest mogleg jamvekt mellom kvinner og menn og mellom eldre og yngre. Vi ønskjer og å rekruttere personar med funksjonshemming eller innvandrarbakgrunn.

Søk stilling

Kontaktinfo: Frøydis Rørtveit Stensvik - Avdelingsleder - 95826264 - froydis.stensvik@kystverket.no

Vis flere stillinger: