Forslaget inneheld også tunnel frå grensa til Kvitsøy, samt ventilasjonstårn på Kråga. Planarbeidet er i tråd med planprogrammet som Bokn kommune vedtok 24. juni 2014.
Godkjent før sommaren
– Vi har nådd ein ny milepåle i planlegginga av Rogfast. Reguleringsplanen for E39 Laupland-Knarholmen er utarbeida på rekordfart, etter at kravet om maks stigning blei endra frå sju til fem prosent i Rogfast-tunnelen. Vi håpar å få planen godkjent i Bokn kommune før sommaren 2015, seier prosjektleiar for Rogfast, Tor Geir Espedal.
Dokumenta er på høyring og offentleg ettersyn i perioden 22. januar til 6. mars 2015.
Lengste og djupaste
Reguleringsplan for E39 Laupland-Knarholmen er ein del av Rogfast. Rogfast består av ein 26,7 kilometer lang undersjøisk tunnel mellom Harestad i Randaberg og Laupland i Bokn,
samt ein tunnel til Kvitsøy. I tillegg kjem ventilasjonstårn, utfyllingsområde og kryss og vegar i Randberg, Kvitsøy og Bokn.
Tunnelen erstattar ferjesambanda Mortavika–Arsvågen og Mekjarvik–Kvitsøy. Reisetida blir redusert med 40 minutt. E39 Rogfast blir verdas lengste og djupaste undersjøiske vegtunnel.
- Nøkkelord
- Statens vegvesen
- Anlegg