Ny kvileplass for tungbilar i Bergen

Statens vegvesen har inngått avtale med Bergen Travpark as om drift av 20 kvileplassar for tungbilar. For sjåførane er det tilgang på toalett, vaskerom, dusj og opphaldsrom samt til kafeteriaen på travparken. Det er også uttak av strøm for aggregat for fryse- og kjølebilar på ein fjerdedel av plassane, melder vegvesen.no.

Plassen skal vere brøyta og strødd på vinterstid, og vil vere gratis for brukarane. Bergen Travpark as er gitt høve til å ta betalt for bruk av dusj og straum.

I tillegg til denne er det fleire andre kvileplassar for tungbilar i Hordaland:

- E39 Heiane, Stord kommune

- E39 Haugsvær, Masfjorden Kommune

- E16 Dale, Vaksdal kommune

- E16 Skulestadmo, Voss kommune

- E134 Kyrping, Etne kommune

Kvileplassane er oppretta for at sjåførane skal ha høve til å ta nødvendige/pålagte pausar på ein godkjend stad der det er trygt å parkere, og der det også er tilbod om ulike fasilitetar.