Firma | Statens vegvesen Region vest |
Fylke | Rogaland |
Sted | Stavanger |
Søknadsfrist | 25.01.2015 |
Arealplanleggjar for prosjekt i Bypakken Nord-Jæren
- tidenes største satsing innanfor planlegging av kollektiv- og sykkelvegnettet på Nord-Jæren
I Bypakke Nord-Jæren er det mange spennande og utfordrande oppgåver innan veg- og arealplanlegging. Statens vegvesen har ansvar for planlegginga av desse prosjekta, og treng dyktige fagfolk for å møte den auka arbeidsmengda. Vil DU vere med å utvikle samferdslenettet i regionen?
Vi søkjer etter ein arealplanleggjar med erfaring innanfor veg- og/eller arealplanlegging. Det er mange spennande og utfordrande fagområde innanfor veg- og tunnelplanlegging, bruplanlegging, arealplanlegging, stadutvikling, landskapstilpassing og landskapsforming, geologi og geoteknikk m.m. som vert knytt til planarbeidet. I tillegg til prosjekt innanfor Bypakken, kan det og vere aktuelt å arbeide med andre prosjekt på riks- og fylkesvegnettet som er omtala i Nasjonal Transportplan eller Handlingsprogram for fylkesveger i Rogaland.
Stillinga vil vere knytt til Planseksjonen på Ressursavdelinga med kontorstad Stavanger, og er ledig for snarleg tiltreding. Stillinga er i utgangspunktet fast, men andre tilknytingsformer kan vere aktuelle.
Arbeidsoppgåver
Arealplanleggjar vil ha ansvar for utforming av reguleringsplanar, planprogram, utgreiingar, koordinering av prosjekt o.a., med spesiell fokus på:
Samordning og rapportskriving for konsekvensutgreiingar og planar
Veg- og arealplanlegging
By- og sykkelplanlegging
Tema nærmiljø
Kvalifikasjonskrav
Utdanning frå høgskule eller universitet på sivilingeniør- eller masternivå, min. 5 år. For kandidatar med omfattande relevant erfaring, og som er spesielt godt eigna for stillinga, kan ein fråvike kvalifikasjonskravet
Minimum 2 års relevant erfaring
Det er vidare ønskjeleg at du har:
Erfaring med planlegging etter plan- og bygningslova
Erfaring med GisLine, ArcGis og ATP-modell
Gode kommunikasjonsevner, munnleg og skriftleg (nynorsk og/eller bokmål)
Evne til å styre, koordinere og samordne oppgåver
Evne til å tenkje nytt og ha eit heilskapleg perspektiv
Vilje til å gjennomføre oppgåver
Vi kan m.a. tilby
Ein arbeidsplass med stor takhøgd, fagleg fokus, spennande arbeidsoppgåver og gode tilbod for personleg- og fagleg utvikling
Gunstige pensjons- og låneordningar i Statens pensjonskasse, det vert trekt 2 % til pensjonsordninga i Statens pensjonskasse
Triveleg arbeidsmiljø med gode velferdsordningar
Løn i samsvar med etaten sin lønspolitikk
Rimeleg leige av etaten sine bedriftshytter
Fleksitid
Ein god og mangfaldig arbeidsplass
Statens vegvesen er ein arbeidsgjevar som er oppteken av tydlege og trygge rammer for våre medarbeidarar. Vi har eit regelverk som sikrar medarbeidarane sine rettar. Sjølv om det til tider er hektisk hos oss og arbeidsmengda kan vere stor, legg vi vekt på at ein har høve til fleksibel arbeidstid. Vi ønskjer at du skal kunne kombinere jobb og fritid på ein god måte.
Søknad
Statens vegvesen skal vere prega av mangfald og våre tilsette skal spegle samfunnet. Vi vil tilpasse arbeidshøva dersom du har behov for det.
Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.
Dersom du har teke heile eller deler av utdanninga di i utlandet, må den vere godkjend av NOKUT ( www.nokut.no)
Kontaktpersonar:
Franka Häussler
tlf: +47 51911481
mob: +47 90518298
Linda Karlsen Longfjeld
tlf: +47 51911403
mob: +47 92240413
Vis flere stillinger:
- Alle
- Søk etter Statens vegvesen Region vest, Stavanger
- Fylke Rogaland