HMS-koordinator på prosjektet E39 Lavik-Skei

Publisert 07.11.2014 08:33

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 6000 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeSogn og Fjordane
StedLeikanger
Søknadsfrist22.11.2014

Statens vegvesen er i gang med bygging av ny E39 Dregebø-Grytås og Birkeland-Sande i Gaular kommune i Sogn og Fjordane. Vegstrekninga er 9 km inklusiv 1 tunnel på 800m, og har ein totalkostnad på 600 millionar kroner. Anlegget er venta ferdigstilt sommaren 2016.

Det pågår planarbeid på øvrige parsellar, blant anna Bjørset-Skei med utlysing i 2016.

Vi har ledig fast stilling som HMS-koordinator som skal ha som hovudarbeidsområde å syte for at HMS blir ivareteke på ein god måte i anleggstida på dei ulike parsellane. Stillinga er knytt til byggherrepoolen i Region vest, for tida med kontorstad på byggherrekontoret på Sande i Gaular kommune.

Arbeidsoppgåver:

  • Ansvar for oppfølging av HMS i prosjekterings- og byggjefasen.
  • Sjå til at internkontroll-, byggherreforskrifta og anna offentleg regelverk blir følgt.
  • HMS-koordinator for anleggskontraktane etter byggherreforskrifta
  • Ta initiativ for og utvikla og forbetra HMS-arbeidet i prosjektet.
  • Sjå til at prosjektet sine tilsette og spesielt byggjeleiinga er oppdatert fagleg innafor HMS-området
  • Sjå til at HMS blir rapportert i samsvar med rutinar og retningslinjer
  • Endeleg ansvar i stillinga vil bli avgjort i samsvar med den tilsette sin kompetanse og erfaring

Kvalifikasjonar:

  • Minimum 3 års utdanning frå universitet eller høgskule, med kompetanse innan fagområdet. Det er ein fordel med erfaring frå tilsvarande arbeidsoppgåver. Omfattande og relevant erfaring innafor fagområdet kan kompensera for manglande formell utdanning.
  • Krav om førarkort klasse B.
  • Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT ( www.nokut.no).

Det vil bli lagt vekt på at du:

  • Har god skriftleg og munnleg framstillingsevne
  • Er omgjengeleg, sjølvstendig, løysingsorientert og strukturert
  • Har gode samarbeidsevner og er fleksibel

Vi tilbyr:

  • Varierte og utfordrande arbeidsoppgåver
  • At du blir ein del av det største byggherremiljøet innafor veg- og anleggsarbeid på Vestlandet
  • Gode vilkår for fagleg oppdatering og vidareutdanning
  • Eit triveleg arbeidsmiljø og ordna arbeidsforhold
  • Løn etter avtale i samsvar med etaten sin lønspolitikk. Det vert trekt 2% av løna til Statens pensjonskasse
  • Skyss- og kostgodtgjersle etter Statens regulativ

Søknad:

Statens vegvesen ønskjer mangfald, og våre tilsette skal spegle samfunnet. Vi vil tilretteleggje arbeidstilhøva dersom du har behov for det.

Det vert gjort merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjar varslast om dette.

Dersom du synest dette høyrest spanande ut, søkjer du stillinga via vår jobbportal www.vegvesen.no/jobb.

Spørsmål om stillingen?

Svein Reidar Dale

Telefon

930 15 590


Vis flere stillinger: