Firma | Statens vegvesen Region vest |
Fylke | Hordaland |
Sted | Bergen |
Søknadsfrist | 23.11.2014 |
Eigedomsseksjonen har ansvar for landmåling og grunnerverv i Statens vegvesen. Seksjonen har i overkant av 50 medarbeidarar og har kontorstad i Stavanger, Haugesund, Bergen og Leikanger. Om lag 20 medarbeidarar har landmåling som hovudoppgåve og vi søkjer no ein ny dyktig kollega.
Arbeidsoppgåver:
Som landmålar vil du få utfordrande, varierande og sjølvstendige oppgåver innan fagområdet. Hovudoppgåva i stillinga er eigedomsmåling og -forvaltning. Eigedomsmåling inneber også gjennomføring og styring av oppmålingsforretning etter matrikkellova.
I tillegg vil det verta arbeid med å ivareta Statens vegvesen sine eigedomsinteresser i delingssaker og andre nabotilhøve.
Kvalifikasjonskrav:
Vi krev at du har høgare utdanning innan fagområdet, minimum 3 år ved universitet/høgskule. For deg som har lang og relevant erfaring innan fagområdet, og som har gode personlege føresetnader for stillinga, kan kravet til utdanning fråvikast.
Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT ( www.nokut.no).
Det er ønskjeleg med erfaring innan landmåling, men vi vil også oppmoda nyutdanna til å søkja. Du må ha førarkort for personbil.
Personlege eigenskapar:
Seksjonen har mykje kontakt med eksterne aktørar, og vi legg vekt på gode samarbeidsevner, sjølvstendig og systematisk arbeidsform samt god skriftleg og munnleg kommunikasjonsevne.
I tillegg ønskjer vi at du er initiativrik, engasjert og resultatorientert og vil bidra til eit godt arbeidsmiljø.
Stort engasjement, god struktur og fagleg utvikling
Som tilsett i Statens vegvesen blir du ein del av eit engasjert og tungt fagmiljø, som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar innan fagfeltet ditt.
Me gjev deg viktige oppgåver med mykje ansvar, og me treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande og utfordrande arbeidskvardagar, men med god balanse mellom arbeid og fritid.
Me tilbyr desse goda
- Introduksjonsprogram og fadderordning
- Fleksitid og gode ordningar for avspasering
- Pensjonsordning og høve til å få lån i Statens pensjonskasse
- Etatsskular og gode høve til fagleg påfyll
Lønn avtalast nærare i samsvar med vår lønnspolitikk.
Statens vegvesen ønskjer mangfald, og våre tilsette skal spegle samfunnet. Vi vil tilretteleggje arbeidstilhøva dersom du har behov for det.
Me gjer merksam på at opplysningar om søknaden din kan bli offentleggjord sjølv om du har bedt om unntak frå offentleg søkjarliste. I så fall blir du varsla om det.
Kontaktpersonar:
Øyvind Pedersen
tlf: +47 55516134
mob: +47 97093450
Vis flere stillinger:
- Alle
- Søk etter Statens vegvesen Region vest, Bergen
- Fylke Hordaland