Prosjektleiarar i region sør - Forsvarsbygg utvikling

Publisert 26.08.2014 12:00

Den beste arbeidsplassen er den som fungerar som vidareutdaning. Slik tenkjer vi, og det trur vi du gjer også. I Forsvarsbygg nyttar vi mykje ressursar på å utvikle medarbeidarar og leiarar. Det er naudsynt for å halde på dei beste, og det er naudsynt for å plassere oss der vi ønskjer å vere, som leiande i bransjen.

Forsvarsbygg er Noregs største offentlege eigedomsaktør og forsvarssektoren sin eigen ekspert på eigedom. Ingen kan meir enn oss om Forsvaret sitt særskilde behov. Vi byggjer og tek hand om mange av landets mest særeigne og krevjande bygg, me er heim for menige og befal og me medverkar til trivsel på tusenvis av arbeidsplassar.

Firma	Forsvarsbygg
Fylke	Flere fylker
Sted	Bergen / Stavanger
Søknadsfrist	snarest

Forsvarsbygg utvikling stør opp om Forsvaret si operative verksemd ved å utvikle funksjonelle eigedomar, bygg og anlegg. Forsvarsbygg utvikling har ansvaret for, og deltek i heile prosessen frå idéstadiet til leveringa av ferdige bygg og anlegg. Både på taktisk rådgjeving, alternativstudium og prosjektutvikling.

Forsvarsbygg utvikling står for utbygging og investeringar for 2-3 NOK mrd. per år og har leiing og stab lokalisert i Oslo, samt region nord og sør. Region sør er lokalisert med hovudkontor på Hamar. I tillegg har region sør lokasjonar i Trondheim, Rena, Oslo, Rygge, Stavanger og Bergen.

På grunn av høg produksjon framover, søkjer vi etter fleire dyktige prosjektleiarar til å leie prosjekta våre i Bergen-/Stavanger-området. Hovudoppgåva di vil vere å utvikle og gjennomføre store og varierte plan- og byggjeoppdrag for Forsvaret i Sør-Noreg.

Forsvarsbygg har sett oss som mål at arbeidsmiljøet vårt skal vere tverrfagleg, mangfaldig og likestilt. Vi ønskjer difor ei verksemd der alder, kjønn og etnisitet hjå dei tilsette er balansert. Vi ønskjer å knytte til oss nye medarbeidarar som kan påverke bedriftskulturen positivt gjennom personleg og fagleg kompetanse.

Les meir om Forsvarsbygg på www.forsvarsbygg.no og på karrieresidene våre www.forsvarsbygg.no/jobb.

Arbeidsoppgåver

leiing av tildelte enkeltprosjekt i.h.t. Forsvarsbygg sin innkjøpsplan og andre godkjende oppdrag;
gjennomføring i samsvar med Forsvarsbygg sitt kvalitetssystem.
god økonomi-, utryggleiks-, framdrifts- og kontraktsstyring.
å sikre godt samspel og kommunikasjon mellom alle involverte aktørar i dei ulike fasane i prosjekta
ansvar for å ta vare på naudsynt kunde- og brukarkontakt i prosjekta
ansvar for at SHA-arbeidet blir teke vare på i prosjekta
ansvar for at innkjøp er i tråd med gjeldande regelverk

Kvalifikasjonar

relevant høgare utdanning frå universitet eller høgskole
relevant erfaring frå arbeidsområdet
lang relevant erfaring kan kompensere for manglande formell utdanning
må kunne tryggingsklarerast til nivå hemmeleg

Utdanningsretning

Elektronikk/elektro/telekommunikasjon
Bygg og anlegg

Utdanningsnivå

Høgskule/Universitet

Personlege eigenskapar

strategisk
prosessorientert
samarbeidsviljug
kundeorientert
gode kommunikasjonsevner
resultatorientert

Språk

Norsk

Vi tilbyr

løn som senioringeniør/seniorarkitekt/overingeniør/overarkitekt/prosjektleiar (kode 1181/1182/1087/1194/1113) i.h.t. lønsregulativet i Staten avhengig av utdanning og erfaring
gode høve for fagleg og personleg utvikling
gode høve for økonomisk stønad til kompetanseutvikling
fleksitid, sommartid og betalt overtid
medlemskap i Statens pensjonskasse og såleis gode bustadlånordningar og god forsikring- og pensjonsordning
gode velferdsordningar
utfordrande jobb i ei dynamisk verksemd

Søk stillinga her

Kontaktinfo: Per Anders Bakke - Regionssjef - (+47) 975 40 174

Bjørn Tore Rognstad - Prosjektsjef - (+47) 905 65 354

Vis flere stillinger: