Vi søkjer erfarne bruplanleggarar

Har du erfaring med prosjektering av bruer? Vil du ha større innverknad på kva prosjekt du får arbeide med? Kunne du tenkje deg og vera med å bidra i alle fasar, frå reguleringsplanarbeid til ferdig konstruksjon? Då har du høve til det hjå oss.

Bruseksjonen i Statens vegvesen, Region vest, søkjer etter nye erfarne medarbeidarar til vår kontorstad i Bergen. Bruseksjonen har i dag til saman 29 medarbeidarar lokalisert til kontora i Bergen, Leikanger og Stavanger

Seksjonen har som hovudoppgåve å utarbeide byggeplanar og konkurransegrunnlag i eigen region, men seksjonen har òg ein spesialistfunksjon innan betongbruer med prosjektering også i andre landsdelar. Dette gir oss tilgang på mange spanande og varierte prosjekt, som frittframbygg bruer, hengebruer, kassebruer og andre betongkonstruksjonar på hovudvegnettet vårt.

Viktige arbeidsoppgåver vil være:

• Prosjektering av nye konstruksjonar. For det meste bruer i betong, men også i stål og tre, samt rasoverbygg, tunnelportalar, kulvertar, ferjekaiar mm.
• Prosjektering i samanheng med rehabilitering av konstruksjonar Utarbeiding av konkurransegrunnlag
• Oppfølging i byggefasen
• Anskaffing og styring av konsulentoppdrag
• Bistand i reguleringsplanfasen.
• Handbokarbeid
• Kontroll og godkjenning
• Bruklassifisering

Kvalifikasjonskrav:

Eksamen frå universitet eller høgskule med relevant linje- og fagkombinasjon. Fortrinnsvis utdanning med mastergrad, men bachelor-utdanning vil òg bli vurdert. Min. 3 års erfaring frå bruprosjektering, men kandidatar med anna relevant erfaring og med gode personlege føresetnader for stillinga, er også velkomne til å søkje.

Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT ( www.nokut.no).

God kjennskap til DAK-verktøy som AutoCad/ NovaPOINT, analyseprogram for rammer/plater og generelle program som Excel og Word vil vere ein fordel.

Personlege eigenskapar som vil verte vektlagd: Evne til å ta initiativ, jobbe sjølvstendig, strukturert og ha stå-på-vilje for å få gjennomført oppgåvene

Stort engasjement, gode strukturar og fagleg utvikling:

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidsdagar med god balanse mellom arbeid og fritid.

Vi tilbyr også desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og muligheiter for lån i Statens pensjonskasse
• etatsskular og gode muligheiter for fagleg påfyll

Lønn avtalast nærare i samsvar med vår lønnspolitikk.

Ein god og mangfaldig arbeidsplass

Statens vegvesen er oppteken av mangfald, og vi oppmodar difor alle som er kvalifiserte, til å søke jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.

Vi gjer merksame på at opplysningar om søkjar kan bli offentlege sjølv om vedkomande har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjar varslast om dette.

Søk stillingen her

Kontaktpersonar:

Stian Persson

mob: +47 97775994