Kommunikasjonsrådgjevar vegprosjekt

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 6000 engasjerte medarbeidarar med brei kompetanse fordelt på Vegdirektoratet og fem regionar.

Ledig vikariat i 50 % stilling, med mogeligheit for utviding som

Kommunikasjonsrådgjevar

Kommunikasjonsstaben i Statens vegvesen Region vest er eit av dei største og meste kompetente fagmiljøa for kommunikasjon på Vestlandet. Kommunikasjonsrådgjevarane her har mange og viktige roller for at organisasjonen skal nå sine overordna mål. Vi har spesialistar, strategar, kompetansebyggjarar og produsentar i ein stab som tel 13 personar.

Til vår operative prosjektverksemd, som omhandlar produksjon og formidling, treng vi ein produsent i Leikanger/Førde.

Aktuelle vegprosjekt for deg å følgje opp er E39 Vadheim-Sande, E39 Lavik-Oppedal, E39 Bjørset-Skei og Førdepakken. Du må difor rekne med reiseaktivitet. I tillegg vil du ta del i medievaktordninga som kommmunikasjonsstaben har ansvaret for.

Vikariatet varer til 1. oktober 2015. Det er ei 50 % stilling, med mogeligheit for utviding av stillingsprosenten. Arbeidsstad er Leikanger eller Førde.

Produsentar i kommunikasjonsstaben har desse hovudoppgåvene:

• utarbeide pressemeldingar, nærinformasjon, brosjyrar og annonsetekstar
  
• produksjon og publisering av saker på vegvesen.no og intranett
  
• foto/video
  
• publisering og oppfølging i sosiale medium
  
• språkvask
  
• presentasjonar
  

Kvalifikasjonskrav

• utdanning frå universitet eller høgskule innan medie- eller kommunikasjonsfag
  
• svært god skriftleg formuleringsevne
  

Personlege eigenskapar

• initiativrik og sjølvstendig
  
• stor arbeidskapasitet og gode samarbeidsevner
  

For kandidatar med relevant erfaring og med gode personlege føresetnader for stillinga, kan kravet til utdanning fråvikast.

Dersom du har teke heile eller delar av utdanninga di i utlandet, må den vere godkjend av NOKUT (www.nokut.no).

Vi kan tilby

• løn etter avtale, jamfør etaten sin lønspolitikk
  
• gode mogelegheiter for personleg og fagleg utvikling
  
• godt arbeidsmiljø
  
• etaten har eigne bedriftshytter
  
• fleksitid
  
• pensjonsordning
  

Frå løna blir det trekt 2 % til Statens Pensjonskasse.

Statens vegvesen skal vere prega av mangfald, og dei tilsette hos oss skal spegle befolkninga. Vi oppmodar alle som er kvalifiserte til å søkje jobb hos oss uavhengig av alder, funksjonsevne, kjønn, seksuell orientering, religion og etnisk bakgrunn. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjort sjølv om du har bedd om unntak frå offentleg søkjarliste. I så fall blir du varsla om det.

For nærare informasjon, kontakt fungerande kommunikasjonsleiar Bernt Flekke på telefon 975 49 831 fram til 18. august. Etter 18. august: kommunikasjonsleiar Arne Eithun på telefon 970 55 223.

Søk her