Firma | Statens vegvesen Region vest |
Fylke | Sogn og Fjordane |
Sted | Leikanger |
Søknadsfrist | 01.09.2014 |
Ønskjer du å bruke din kompetanse til å påverke utforming av veg- og gateprosjekt?
Vi søkjer etter landskapsarkitektar til vårt tverrfaglege planmiljø på Regionvegkontoret i Leikanger.
Hjå oss kan du mellom anna jobbe med reguleringsplanar og byggeplanar for europavegane E39 og E16 gjennom vestlandet. Fylkesvegnettet på vestlandet går gjennom vakkert landskap og hjå oss kan du vere med å påverke utforming av desse. Spanande formgjeving får du også prøvd på skredsikringstiltak. For Turistvegprosjektet kan du prosjektere rasteplassar og skjøtsel av vegetasjon. Byutfordringar og tiltak for kollektivtrafikk og mjuke trafikantar er interessante oppgåver som ventar deg.
Plan- og prosjekteringsseksjonen høyrer inn under Ressursavdelinga som har eit samla fagmiljø med 260 medarbeidarar i regionen. Vi er i dag 15 landskapsarkitektar i Region vest fordelte på kontora i Leikanger, Bergen og Stavanger. Du som landskapsarkitekt inngår i planleggingsteam saman med mellom anna naturvitarar, arkeologar, arkitektar, veg- og trafikkplanleggarar.
Arbeidsoppgåver: Landskapsarkitektane i Statens vegvesen har stort ansvar og stor påverknad på vegplanlegginga.
Jobbe med landskapstilpassing og estetisk utforming av vegar
Lage landskapsanalysar
Utarbeide YM-planar (Ytre miljø-planar)
Utarbeide teikningar og skildrande tekst til plangrunnlag og/eller konkurransegrunnlag
Leige og styre konsulentar
Følgje opp landskapsfaget i byggefasen
Kvalifikasjonskrav:
Vi ønskjer oss kollegaer med mastergrad i landskapsarkitektur
Vi vil gjerne at du har erfaring frå deltaking i planlegging eller prosjektering av vegar
Vi ønskjer også at nyutdanna landskapsarkitektar søkjer hjå oss
Har du talent for og erfaring med visualisering så har vi mange oppgåver til deg
Det er nødvendig med førarkort kl. B
For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan ein fråvike kravet til utdanning.
Dersom du har teke heile eller deler av utdanninga di i utlandet, må den vere godkjend av NOKUT( www.nokut.no).
Vi ynskjer at du er:
Glad i faget ditt og resultatorientert
God til å samarbeide med andre
Analytisk og kan sjå problemstillingar frå fleire vinklar
Flink til å uttrykke deg skriftleg og munnleg
Stort engasjement, gode strukturar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidsdagar med god balanse mellom arbeid og fritid.
Vi tilbyr også desse goda:
introduksjonsprogram og fadderordning
fleksitid og gode ordningar for avspasering
pensjonsordning og muligheiter for lån i Statens pensjonskasse
etatsskular og gode muligheiter for fagleg påfyll
Lønn avtalast nærare i samsvar med etatens lønnspolitikk. Det vert trekt 2% av løna til Statens pensjonskasse.
Søknad
Statens vegvesen er oppteken av mangfald, og vi oppmodar difor alle som er kvalifiserte, til å søke jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.
Det vert gjort merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjar varslast om dette.
Søk via vår jobbportal: www.vegvesen.no/jobb utlysingsnr: 3-063-14.
Spørsmål om stillinga?
Ellen Slinde
Telefon
57 65 57 95
Tom Hellebø
Telefon
57 65 58 27
Vis flere stillinger:
- Alle
- Søk etter Statens vegvesen Region vest, Leikanger
- Fylke Sogn og Fjordane