HMS-medarbeidar Vegavdeling Rogaland

I Statens vegvesen Region vest er det ledig stilling innan HMS i Haugesund/Stavanger. Vi er på jakt etter ein person som skal bidra aktivt til å heva HMS-fokuset i vegavdelinga, og vera ein pådrivar og ei hjelpande hand for alle i vegavdelinga innan HMS. Arbeidsområdet vil vera heile Rogaland fylke. Vegavdelinga har i dag 110 tilsette fordelt på to vegseksjonar og to plan- og forvaltningsseksjonar. Vi har oppgåver innan planlegging, forvaltning og følgjer opp utbyggings- og vedlikehaldsprosjekt, og drift av vegnettet på både på riks- og fylkesveg.

Aktuelle arbeidsoppgåver:

• Registrering av kontraktar og oppfølging av alle våre prosjekt i Synergi og Elrapp, delta på oppstartsmøter, gje rettleiing og støtte i arbeidet med registrering og handsaming av uønska hendingar/rapporteringar
  
• Analysera og skriva rapportar om data/hendingar/trendar frå Synergi, og gje innspel til byggherre og entreprenør om konkrete handlingsplanar for oppfølging, samt ha ei systematisk oppfølging av vårt HMS-arbeid
  
• Bidra til kontroll av dokumentasjon på byggherre og entreprenør si oppfølging av HMS ute på prosjekt og kontraktar, samt sakshandsama og gje støtte til prosjektleiarane/HMS-koordinatorane i meir komplekse HMS-saker (for eksempel arbeidstidsordningar, skiftavtalar, oppfølging av utanlands arbeidskraft og liknande)
  
• Delta i vegavdelinga sitt arbeid med ROS-analyser
  

Kvalifikasjonskrav:

• 3 års utdanning frå universitet/høgskule innan HMS, bygg- eller anleggstekniske fag eller tilsvarande kvalifikasjonar. For kandidatar med sterk og allsidig praksis frå dei aktuelle fagområda og gode personlege føresetnader, kan kravet til utdanning fråvikast.
  
• Førerkort for bil (kl. B) o Kjennskap til korleis entreprisedrifta fungerer med omsyn på HMS, t.d. arbeidstidsordningar, skiftavtalar og bruk av utanlandsk arbeidskraft
  
• Statens vegvesen nyttar fleire ulike datasystem i HMS-oppfølginga, og god IKT kunnskap er nødvendig.
  

Det er og eit ynskje at søkar har praksis og kompetanse innan vegfag og kontraktsadministrasjon.

Dersom du har teke heile eller deler av utdanninga di i utlandet, må denne vera godkjend av NOKUT( www.nokut.no).

Generelt vil det bli lagt vekt på:

• Løysingsorientert og samarbeidsvillig
  
• Evne til å skape resultat innan området
  
• Strukturert og systematisk
  
• Gode kommunikasjonsevner, og evne til å skape gode resultat samen med andre
  
• At du er aktivt med på å skape eit godt arbeidsmiljø internt og mot entreprenørar
  

Vi kan tilby:

• Interessante og utfordrande arbeidsoppgåver
  
• Eit stort og godt byggherremiljø
  
• Gode kollegaer i eit flott og positivt arbeidsmiljø
  
• Fleksibel arbeidstid
  
• Pensjonsordning
  
• Skyss- og kostgodtgjersle etter regulativ
  

Lønsvilkår:

Vi tilbyr løn etter nærare avtale i høve til etatens lønnspolitikk. Det vert trekt 2% pensjonsinnskot til Statens Pensjonskasse.

Søknad:

Statens vegvesen er oppteken av mangfald, og vi oppmodar difor alle som er kvalifiserte, til å søke jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.

Det vert gjort merksam på at opplysningar om søkjar kan bli offentlege sjølv om søkjar har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjar varslast om dette.

Nærare opplysningar om stillingane kan ein få hos leiar for Vegseksjon Stavanger Øivind Kommedal, tlf. 519 11398/957 59497 eller Vegseksjon Haugesund Ann Mari Sandvin Hardeland, tlf. 519 11541/480 53369

Søk via vår jobbportal: www.vegvesen.no/jobb utlysingsnr: 3-060-14