Geoteknikar

Vi søkjer geoteknikar til vår Geo- og skredseksjon ved Ressursavdelinga i Region vest. Seksjonen har 27 medarbeidarar, derav 7 geoteknikar og 2 grunnboringslag og vi løyser oppgåver i fylka Hordaland, Rogaland og Sogn og Fjordane.

Seksjonen har m.a. ansvar for å utføre geotekniske grunnundersøkingar med bruk av eigne boreriggar, samt geologisk og geoteknisk prosjektering og rådgjeving. Våre geologar er etaten sine spesialistar innanfor skred og skredsikring.

Geotekniske undersøkingar og løysingar ber vegprosjekta våre. I Statens vegvesen jobbar du heilskapleg for å sikre både trygge grunnforhold og ei god trafikkavvikling. Jobben er sjølvstendig med stort ansvar, men du kan ikkje lykkast utan å spele på andre sin fagkunnskap. Vi legg stor vekt på fagleg overføring og erfaringsutveksling.

Arbeidsoppgåver

Du skal drive geoteknisk prosjektering knytt til vegar, tunnelar og bruer, både i plan-, utførelses- og driftsfasen. Du skal også gjennom strukturert og sjølvstendig arbeid planlegge og følgje opp grunnboringar i felt. Du styrer prosessen sjølv og trekker inn andre sin kompetanse der det trengs. Aktuelle oppgåver kan vere:

• Stabilitet, setningar og oppbygging av vegfyllingar
• Stabilitet og sikringstiltak for vegskjeringar
• Fundamentering av konstruksjonar
• Dimensjonering av tørrmurar
• Peleberekningar
• Planlegge og følgje opp geotekniske undersøkingar
• Anleggskontroll
• Oppfølging av privat konsulent innanfor fagområdet geoteknikk

Kvalifikasjonar

Utdanning frå universitet eller høgskule, på hovudfags- eller mastergradsnivå innan det aktuelle fagområdet. God relevant erfaring og kompetanse er ønskjeleg, men nyutdanna er og aktuelle til å søkje stillinga.

Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT ( www.nokut.no).

Gode datakunnskapar og god skriftleg og munnleg framstillingsevne vil bli vektlagt. Det er nødvendig med førarkort kl. B.

Til denne stillinga ser vi etter deg som er:

• Strukturert, initiativrik og produktiv
• Løysingsorientert og med gode samarbeidsevner
• Omgjengelig og med evne til å jobbe i team

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for avspasering
• pensjonsordning og høve til å få lån i Statens pensjonskasse
• etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi oppmodar alle som er kvalifiserte, til å søkje jobb hos oss uansett alder, funksjonsevne, kjønn, seksuell orientering, religion og etnisk bakgrunn. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.

Søk stilling her

Kontaktpersonar:Stein Olav Njøs

tlf: +47 57655896

mob: +47 95191855