E39 Hove-Sandved blir forseinka

Det nye kostnadsoverslaget er 710 millionar kroner. Tidlegare berekningar viste 525 millionar kroner. Staten tek 90 prosent av kostnadsauken, bilistane resten gjennom bompengar.

Alle prosjekt som er med i Norsk transportplan har ei kostnadsramme. Viss prosjektet blir dyrare, er regelverket slik at prosjektet må til Stortinget for ny godkjenning av finansieringa.

– Vi håpar på behandling i Stortinget i oktober. Vi er klar til å sende prosjektet på anbod så fort vi får godkjenninga, sier Leif Lindefjeld i en pressemelding.

Meir støyskjerming

Den 1550 meter lange strekninga mellom Hove og Sandved skal byggast om frå to til fire felt.

Prosjektet er omfattande; det blir arbeid på 1300 meter av Jærveien, ny Kvelluren bru, to nye bruer på motorvegen (riksveg 13 Hove og fylkesveg 325 Sandved) og ombygging av to kryss.

I perioden frå reguleringsplanlegging til byggeplanlegging er prosjektet blitt dyrare. Auken skuldast mellom anna standardheving, fleire murar, meir støyskjerming og miljøtiltak.

Omfattande arbeid

– Først i byggeplanlegginga ser vi deltajeringsnivået for eit så komplisert by-prosjekt med store bruer, trafikkavvikling på eit overbelasta vegnett og kryssing av jernbanen. Kort oppsummert er arbeidet meir omfattande og standarden høgare enn vi såg for oss i ein tidleg fase, seier byggeleiar Leif Lindefjeld i Statens vegvesen.