Arealplankontakt, Bergen

Plan- og forvaltningsseksjonen i Bergen har ledig stilling som arealplankontakt.

Seksjonen har hovedansvar for m.a planlegging av nye vegprosjekt, gang- og sykkeltiltak, trafikksikringstiltak, kollektivtiltak - og universell utforming, effektivisering av vegnettet, samt ulike miljø – og forvaltningsoppgåver.

Arbeidsoppgåver:

Stillinga si hovedoppgåve er å følgje opp arealplanlegginga som foregår i kommunane. Som arealplankontakt skal du behandle og gje innspel til offentlege og private planar som får konsekvenser for vegane, samt gje formell uttale til planar, både etter plan- og bygningslov og veglov.

Statens vegvesen gjev innspel i forhold til trafikksikring, tilrettelegging for gang- og sykkel og tilrettelegging for kollektivtrafikk. Andre miljø – og forvaltningsoppgåver kan vera eit aktuelt arbeidsområde.

Kvalifikasjonar:

Utdanning frå universitet eller høgskule, minimum 3 år, innan relevant fagkrins. For kandidatar med sterk og allsidig praksis frå regulering- og/eller arealplanlegging og gode personlege eigenskapar for stillinga, kan kravet til utdanning fråvikast.

Stillinga inneber mykje ekstern kontakt, både mot offentlege etatar, konsulentar og private utbyggjarar og vi legg difor stor vekt på evne til samarbeid internt og eksternt, samt gode kommunikasjonevner både skriftleg og muntleg.

Dette vil vi også leggje vekt på:

• erfaring frå offentleg forvaltning
  
• kjennskap til relevant lovverk som veglova og plan- og bygningslova
  
• evne til å handtere innspel og engasjement frå dei partane sakene gjeld
  
• erfaring med transportplanlegging i by- og tettstadsområde
  

Dersom du har teke heile eller deler av utdanninga di i utlandet, ønskjer vi ei autorisert oversetjing av dine papir og godkjenning frå NOKUT ( www.nokut.no).

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

• introduksjonsprogram og fadderordning
  
• fleksitid og gode ordningar for avspasering
  
• pensjonsordning og høve til å få lån i Statens pensjonskasse
  
• etatsskular og gode høve til fagleg påfyll
  

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi oppmodar alle som er kvalifiserte, til å søkje jobb hos oss – uansett alder, funksjonsevne, kjønn, seksuell orientering, religion og etnisk bakgrunn. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.

Søk her

Kontaktpersonar:

Sindre Lillebø

tlf: +47 55516407

mob: +47 91335871