Firma | Statens vegvesen Region vest |
Fylke | Sogn og Fjordane |
Sted | Førde eller Nordfjordeid |
Søknadsfrist | 27.05.2014 |
I Statens vegvesen Region vest, vegavdeling Sogn og Fjordane, har vi ledig stilling som byggjeleiar innan investeringsprosjekt med kontorstad i Førde eller Nordfjordeid.
Arbeidsoppgåvene vil i hovudsak vere knytt til investeringsprosjekt på riks- og fylkesvegar i Nordfjord og Sunnfjord.
Stillinga vil vera knytt til byggherrepoolen i Region vest.
Arbeidsoppgåvene vert:
utarbeiding av konkurransegrunnlag og gjennomføring av anbodskonkurranser
teknisk og økonomisk oppfølging av kontrakter
utføre kvalitets-, framdrifts- og kostnadskontroll
drive HMS-arbeid
ha kontakt med og følgje opp entreprenørar og andre leverandørar
ha kontakt og oppfølging av entreprenør og andre leverandørar
Kvalifikasjonskrav:
Utdanning frå universitet eller høgskule, med kompetanse innan bygg- og anleggstekniske fag eller tilsvarande. For kandidater med sterk og allsidig praksis frå dei aktuelle fagområda og gode personlege føresetnader for stillinga, kan kravet til utdanning fråvikast. Du må ha førarkort for bil klasse B.
Dersom du har teke heile eller delar av utdanninga di i utlandet, ønskjer vi ei autorisert oversetjing av dine papir og ei godkjenning frå NOKUT ( www.nokut.no).
Det vil bli lagt vekt på at du:
har erfaring frå liknande arbeid/bransjeerfaring
har god skriftleg og munnleg framstillingsevne
er sjølvstendig, initiativrik og jobbar strukturert
har evne til å arbeide i tidvis hektiske tilhøve
har gode samarbeidsevner og er fleksibel
Vi kan tilby:
varierte og utfordrande arbeidsoppgåver
det største byggherremiljøet innafor veg- og anleggsarbeid på vestlandet
etatsskular og høve til fagleg påfyll
triveleg arbeidsmiljø med gode velferdsordningar
fleksitid og gode ordningar for avspasering
pensjonsordning og høve til å få lån i Statens pensjonskasse
Løna vert avtalt nærare i samsvar med lønnspolitikken vår.
Statens vegvesen skal vere prega av mangfald, og dei tilsette hos oss skal spegle befolkninga. Vi oppmodar alle som er kvalifiserte, til å søkje jobb hos oss uansett alder, funksjonsevne, kjønn, seksuell orientering, religion og etnisk bakgrunn. Vi legg vekt på å leggje arbeidsforholda til rette dersom du har behov for det.
Vi gjer merksam på at opplysningar om søknaden din kan bli offentleggjorde sjølv om du har bedt om unntak frå offentleg søkjarliste. I så fall blir du varsla om det.
Spørsmål om stillingen?
Margot Åsebø
Mobil
951 91 902
Vis flere stillinger:
- Alle
- Søk etter Statens vegvesen Region vest, Førde eller Nordfjordeid
- Fylke Sogn og Fjordane