Seksjonsleiar på Samfunnsseksjonen

Veg- og transportavdelinga i Statens vegvesen Region vest har ansvar for fagleg samordning, koordinering og utvikling i heile oppgåvespekteret på veg- og transportområdet i regionen, der fagområda trafikksikkerheit og miljø inngår. Ansvaret inneber også å gje fagleg styringsstøtte til regionvegsjefen, og sjå til at regionens sektoransvarsområde blir utøvd på ein god måte. Avdelinga består av fem seksjonar og ein stab, og har medarbeidarar geografisk lokalisert i dei tre vestlandsfylka.

Stillinga som seksjonsleiar på Samfunnsseksjonen er no ledig. I tillegg til leiar består seksjonen pt av 10 tilsette, samt ein i permisjon.

Seksjonen har ei viktig rolle innan veg- og transportområdet ut mot dei andre avdelingane og eksternt mot våre samarbeidspartnarar.

Seksjonen sine hovudoppgåver er:

• Regionalt ansvar for fagområde som sykkel, gange, kollektiv, universell utforming, klima/miljø, vegservisetilbod, skred, og ITS

• Regionalt ansvar for til dømes samordna areal- og transportplanlegging, legge til rette for effektiv vegtransport, redusere miljøbelastningar frå vegtransport, arkitektur og heilheitsløysingar i by.

• Bidra og gi fråsegn til regionale planstrategiar og transportplanar

• Næringslivets transportar

• Utvikling av transportmodellar

• Reisevaneundersøkingar

• Drifte og utvikle regionale by- og plannettverk

• Kontakt med respektive miljø i Vegdirektoratet

Stillinga som seksjonsleiar inneber dagleg leiing av seksjonen herunder fagleg oppgåvestøtte. Leiar har personal- og budsjettansvar. Viktige oppgåver blir å legge til rette for utvikling av kompetanse og kapasitet innanfor seksjonen sine arbeidsområde, samt stimulere til god kontakt med andre einingar i regionen. Seksjonsleiar går inn i Veg- og transportdirektøren si leiargruppe. Ein må rekna med ein del reiseverksemd.

Krav til kvalifikasjonar:

- Hovudfag/Mastergrad innan veg- og arealplanlegging. Solid erfaring og oppnådde resultat kan kompensere for manglande utdanning.

- God, fagleg erfaringsbase

- Erfaring frå leiing av tilsvarande fagmiljø

- Kjennskap til offentleg forvaltning og vår verksemd er ynskjeleg

- Godkjend sikkerheitsklarering eller at slik kan gjevast.

Dersom du har teke heile eller deler av utdanninga di i utlandet, må den vert godkjend av NOKUT ( www.nokut.no).

Vi ønskjer ein leiar som:

- Har evne til å inspirere medarbeidarar og skape kultur for samarbeid

- Har pådrivareigenskapar, og har god evne til gjennomføring

- Er resultat- og endringsorientert med evne til å tenke heilskapleg

- Har evne til å legge til rette for vidareutvikling og nytenking

- Har god evne til kommunikasjon både munnleg og skriftleg

Vi tilbyr:

- Spanande arbeidsoppgåver i ein etat i utvikling

- Gode utviklingsmuligheiter i ein stor landsdekkande organisasjon

- Fleksibel arbeidstid og gode velferdsordningar

- God pensjonsordning

- Løn etter nærare avtale i samsvar med etaten sin lønspolitikk, avhengig av utdanning, praksis og personlege føresetnader. Av lønna vert det trekt to prosent til Statens pensjonskasse.

Søknad:

Statens vegvesen er oppteken av mangfald, og vi oppmodar difor alle som er kvalifiserte, til å søke jobb hjå oss, uavhengig av alder, kjønn, funksjonshemming, nasjonal, geografisk eller etnisk bakgrunn. Vi tilpassar sjølvsagt arbeidsplassen om det er behov for det.

Statens vegvesen har som målsetting å auke kvinneandelen i leiarstillingar, og oppfordrar difor kvinner til å søkje.

Kontorstad er Leikanger, men Bergen og Stavanger kan og vere aktuelle kontorstader. Vi ber om at du oppgir ønska kontorstad i søknaden.

Vi gjer merksam på at opplysningar om ein søkjar kan bli offentleggjort sjølv om søkjaren har bede om ikkje å bli ført opp på offentleg søkjarliste. Dersom dette ikkje blir teke til fylgje, vil søkjaren bli varsla.

Søk via link på denne sida

Kontaktpersonar:

Astri Taklo

tlf: +47 57655893

mob: +47 95259796

Hanne Hermanrud

tlf: +47 51911391

mob: +47 97521615